პოლიტიკა

პარლამენტი 51 ოპოზიციონერი დეპუტატისთვის სადეპუტატო უფლებამოსილების შეწყვეტაზე ხვალ იმსჯელებს

საქართველოს პარლამენტი ოპოზიციონერი დეპუტატებისთვის სადეპუტატო უფლებამოსილების ვადამდე მოხსნის საკითხს სამშაბათს, 26 იანვარს განიხილავს.

საკითხი საპროცედურო საკითხთა და წესების კომიტეტის სხდომის დღის წესრიგში შეტანილი. უფლებამოსილება შეუჩერდება 51 დეპუტატს, რომლებმაც გასული წლის ბოლოს საკანონმდებლო ორგანოს შესაბამისი განცხადებით მიმართეს.

ესენი არიან წარმომადგენლები: ბლოკის „ერთიანი ნაციონალური მოძრაობა – ძალა ერთობაშია“ (36 მანდატი), „ევროპული საქართველო (5), „სტრატეგია აღმაშენებელი“ (4), „ლელო საქართველოსთვის (4), „საქართველოს ლეიბორისტული პარტია“ (1), ასევე ზურაბ ჯაფარიძე, რომელმაც კენჭი იყარა პარტიიდან „გირჩი“.

საკითხის კომიტეტში განხილვის შემდეგ ის განსახილველად საგაზაფხულო სესიის პირველ პლენარულ სხდომაზე გავა. დეპუტატების უფლებამოსილების ვადამდე შეწყვეტისთვის აუცილებელია 76 დეპუტატის ხმა.

პარლამენტმა იანვრის დასაწყისში სადეპუტატო უფლებამოსილება „პატრიოტთა ალიანსის“ წევრებს – ირმა ინაშვილს, გიორგი ლომიასა და გოჩა თევდორაძეს შეუწყვიტა, მათ ნაცვლად საკანონმდებლო ორგანოში პარტიის საარჩევნო სიის წევრები ფრიდონ ინჯია, გელა მიქაძე და დავით ზილფიმიანი შევიდნენ.ამის შემდეგ ახალი პოლიტიკური ძალა „ევროპელი სოციალისტები“ დააფუძნეს.

თავიანთი გადაწყვეტილების შესახებ პარლამენტში შესვლასთან დაკავშირებით გასულ კვირაში პარტია „მოქალაქეების“ წარმომადგენლებმაც განაცხადეს. მათ ხმების 1,33% მიიღეს და ორი საპარლამენტო სავარძელი ერგოთ.

„გირჩის“ კიდევ სამი წარმომადგენელი აცხადებს, რომ გააგრძელებს დიალოგს ოპოზიციასთან, პარლამენტში შესვლას კი ჯერ არ აპირებს.