უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
კომენტარი
პარლამენტის წევრი თავისუფალ მანდატში შეზღუდული არ უნდა იყოს - ზვიად კვაჭანტირაძე
პარლამენტის დიასპორის საკითხთა კომიტეტის თავმჯდომარე ზვიად კვაჭანტირაძე მიიჩნევს, რომ დეპუტატი საკუთარ თავისუფალ მანდატში არ უნდა შეიზღუდოს.
როგორც კვაჭანტირაძემ საპარლამენტო უმრავლესობის დეპუტატებისთვის ქცევის კოდექსის შესაძლო ამოქმედებაზე საუბრისას განაცხადა, ის ინფორმაციას არ ფლობს იმის თაობაზე, რა წესებზეა საუბარი.
მისი თქმით, თუკი პარტია “ქართული ოცნების” თავმჯდომარემ და აღმასრულებელმა მდივანმა რაღაც შეთანხმებას მიაღწიეს და თუკი თამაშის წესები საჭიროა, გუნდის წევრებმა უნდა იცოდნენ, კონკრეტულად რაზეა საუბარი.
„ის, რომ ყველაფერი წესითა და რიგით უნდა მიდიოდეს, არავინ უარყოფს, თუმცა უმთავრესი ამოსავალი ის უნდა იყოს, რაც კონსტიტუციასა და რეგლამენტში წერია, რომ დეპუტატს თავისუფალი მანდატი გააჩნია და მას ვერავინ ვერასდროს დოგმით ვერ შეზღუდავს, ამა თუ იმ საკითხის მიმართ საკუთარი აზრი გამოთქვას.
შესაძლებელია, ისეთი დოკუმენტი დაიდოს, რომელიც ყველას მოგვეწონება და სანამ წესები წარმოდგენილი არ არის, მანამდე კომენტარის გაკეთება ნაადრევია”, – აცხადებს კვაჭანტირაძე.
მისი ინფორმაციით, დეპუტატები უმრავლესობის შეხვედრას ელოდებიან, რომელიც სავარაუდოდ, მომავალ კვირას გაიმართება.
„უმთავრესი ამოსავალი პრინციპი ის უნდა იყოს, რომ პარლამენტის წევრს, როგორც თავისუფალი მანდატის მატარებელს და უმაღლესი სახელმწიფო პოლიტიკური თანამდებობის პირს, კონსტიტუციით ფუნქციები აქვს მინიჭებული და ის თავის თავისუფალ მანდატში შეზღუდული არ უნდა იყოს. ყველაფერი შეიძლება შეთანხმების საგანი გახდეს. შეიძლება შევთანხმდეთ იმაზე, რომ არანაირი დოკუმენტის მიღება საჭირო არ არის და ვიმსჯელოთ, რა არის ის, რაც შესაძლებელია გვაბრკოლებს ურთიერთობებში.
მომავალს ოპტიმისტურად ვუყურებ. არანაირ საშიშროებას არ ვხედავ, რომ უმრავლესობა დაიშლება და ან ეს ხელისუფლების სტაბილურობას შეაზანზარებს. არითმეტიკულადაც კი წარმოუდგენელია, რომ 116-კაციანი უმრავლესობა 76 დეპუტატამდე შემცირდეს. ვერ გეტყვით, გულში მიზნად ვინ ვის გაშვებას ისახავს, მაგრამ დიდი იმედი მაქვს, რომ ასეთი აზრები არავის თავში არ არის”, – დასძინა კვაჭანტირაძემ.