უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
პარლამენტში ხუთი ფრაქცია ჩამოყალიბდა
დროებითმა სამანდატო კომისიის მსჯელობის შედეგად, საკანონმდებლო ორგანოში ხუთი ფრაქცია ჩამოყალიბდა.
,,ქართული ოცნების’’ უმრავლესობა პარლამენტის 116 წევრისგან შეიქმნა, უმრავლესობის ლიდერად კი, არჩილ თალაკვაძე დასახელდა.
ფრაქციაში ,,ქართული ოცნება,’’ გაწევრიანებულია 110 წევრი. ფრაქციის თავმჯდომარე მამუკა მდინარაძე იქნება, მდივანი კი ნინო წილოსანი.
ასევე შეიქმნა ფრაქცია ,,ქართული ოცნება - მრეწველები,’’ რომელშიც გაერთიანებულია პარლამენტის 6 წევრი, ფრაქციის თავმჯდომარე კი, სიმონ ნოზაძე იქნება.
რაც შეეხება უმცირესობას, ის 26 წევრის შემადგენლობით დარეგისტრირდა.
პარლამენტში დარეგისტრირებული მესამე ფრაქცია ,,ერთიანი ნაციონალური მოძრაობაა,’’ რომლის შემადგენლობაში შედის პარლამენტის 20 წევრი. ფრაქციას თავმჯდომარე ნიკა მელია იქნება. ასევე, დარეგისტრირდა 6-კაციანი ფრაქცია ,,ნაციონალური მოძრაობა - საქართველოს წინსვლისთვის,’’ რომლის თავმჯდომარეც ელენე ხოშტარია გახდა.
პარლამენტში ჩამოყალიბებული მეხუთე ფრაქცია 6 წევრისგან შედგება. მისი სახელწოდებაა ,,საქართველოს პატრიოტები’’, ფრაქციის თავმჯდომარე კი, გიორგი ლომია გახდა.
ნინო ექვთიმიშვილი