უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
პოლიტიკა
„პატრიოტთა ალიანსმა“ ბათუმში ხალხმრავალი წინასაარჩევნო აქცია გამართა
„პატრიოტთა ალიანსმა“ ბათუმში, ერას მოედანზე, წინასაარჩევნო შემაჯამებელი ხალხმრავალი აქცია გამართა.
მხარდამჭერებს პარტიის ხელმძღვანელებმა და მაჟორიტარი დეპუტატობის კანდიდატებმა მიმართეს.
„პირველ რიგში, მინდა ვუთხრა ხელისუფლებას, რომ დღეს არის პირველი ოქტომბერი. 2012 წლის პირველ ოქტომბერს ჩვენ დავამარცხეთ სააკაშვილის რეჟიმი, მაგრამ სამწუხაროდ 2012 წლის 1 ოქტომბრის მონაპოვარი „ქართულმა ოცნებამ“ წყალში გადაყარა. ისევ გადაარჩინა ეს ნაცები, გააცოცხლა და დღესაც იგივეს აკეთებს - შეირწყა და რაღაცა ახალი ჯიშის პოლიტიკური ცხოველი შეიქმნა. ხალხს კი არ ეშინია, ხალხი აკვირდება ამას, ამ განურჩევლობას რაც ხდება; ის ხალხი, ვინც ადამიანებს აწამებდა, აშინებდა სოფლებში, ახლაყველა „ქართულ ოცნებაშია“. ეს განუკითხაობა უნდა დამთავრდეს. ამ ქვეყანაში წესიერებამ უნდა გაიმარჯვიოს“,-განაცხადა ინაშვილმა.
მისი თქმით, ხელისუფლებაში მოსვლის შემთხვევაში, პირველი რაც მოხდება, იქნება მიხეილ სააკაშვილის საქართველოში ჩამოყვანა.
„იმ კურდღელს, იმ ბაჭიას, სააკაშვილს ჩამოვიყვანთ აქ ყურებით, ვატყობ, რომ ჩვენი ჩამოსათრევია იგი აქ და გასასამართლებელი. „ქართული ოცნება“ მაგის აქ ჩამომყვანი არ არის“,-აღნიშნა ინაშვილმა.
ასევე, პოლიტიკოსმა შეკრებილებს დაპირდა, რომ გამარჯვების შემთხვევაში ხალხის არც ერთი ფული არ იქნება მოპარული, 77 ათასი ბავშვი აღარ იშიმშილებს, 250 ათასი დედა აღარ იშიმშილებს, 300 ბავშვი აღარ მოკვდება“,-მიმართა ამომრჩეველს ინაშვილმა.
მონიკა დავლიანიძე