უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
საზოგადოება
პედაგოგის განმარტებით, „ქართული ოცნების“ დროშის გამოყენების უფლება მოსწავლეებს ფონის გასალამაზებლად მისცა
ბორჯომის პირველი საჯარო სკოლის ხელოვნების პედაგოგმა ნათელა ღლონტმა, მე-7 კლასის მოსწაველებთან ერთად ღია გაკვეთილი გამართა სახელწოდებით „აფხაზეთი ჩვენი ტკივილია“.
მოსწაველებმა კედლები და ქუჩები მოხატეს, ამ დროს მათ ხელში „ქართული ოცნების“ დროშები ეკავათ.
ღონისძიების ამსახველი ვიდეომასალა ადგილობრივმა ტელევიზიამ გაავრცელა.
ნათელა ღლონტმა ახსნა-განმარტება სკოლის დირექციას უკვე ჩააბარა და დოკუმენტს დისციპლინური კომიტეტი განიხილავს.
თავად პედაგოგოს თქმით, მას ბავშვებისთვის მმართველი პარტიის დროშები არ დაურიგებია. მისი თქმით, დროშები იქვე მდგარ სკამზე იდო და ბავშვებმა ისინი აიღეს.
„მე არანაირ პარტიაში არ ვარ. დროშები არავის დაურიგებია, იდო და აიღეს. მანდვე სკამებზე იდო. არც პარტიაში არ ვარ, ჩემს ცხოვრებაში არც ერთ პარტიაში არ ვყოფილვარ. რა გინდათ ჩემგან? მე ვმუშაობ, ჩვეულებრივი მასწავლებელი ვარ. საყვედური არაფერი მოუციათ ჯერ, მაგრამ ალბათ იქნება. მითხრეს, რომ არასწორი იყო,“-განმარტა ხელოვნების მასწავლებელმა ჟურნალისტებთან საუბარში.
ბორჯომის პირველი სკოლის დირექტორის ჯულიეტა ჯინჯოლავას თქმით კი, ღლონტის მიერ დაწერილ ახსნა-განმარტებაში ნათქვამია, რომ დროშების გამოყენების უფლება ბავშვებს ფონის გასალამაზებლად მისცა.
„ამ მასწავლებელმა გვთხოვა ფერადი ცარცები. ჩევნ მივეცით მას ეს ფერადი ცარცები და გაკვეთილის დასაწყისში მან გაიყვანა სკოლიდან მე-7 „ბ“ კლასი, რომლებიც მიმდებარე ტერიტორიაზე, ხატავდნენ, გაკვეთილის თემა იყო აფხაზეთი. ფაქტი გავიგეთ ტელევიზიაში გაშუქებული სიუჟეტის შემდეგ. მასწავლებელმა დღეს დაწერა ახსნა-განმარტება და დისციპლინურ კომიტეტს გადაეცემა მოკვლევისთვის ეს ფაქტი. მასწავლებელი ამბობს, რომ სკამზე იყოო ეს დროშები და აქედან აიღეს მოსწავლეებმა და მე უბრალოდ ფონის გასალამაზებლად გამოვიყენეო“,-განმარტა სკოლის დირექტორმა.
მონიკა დავლიანიძე