პოლიტიკა

პედრო აგრამუნტის გადადგომას საქართელოს დელეგაციაც ითხოვს - თამარ ჩუგოშვილი

საქართველოს პარლამენტის პირველი ვიცე-სპიკერის თამარ ჩუგოშვილის განცხადებით, ევროპის საბჭოს საპარლამენტო ასამბლეის სოციალისტების ჯგუფში, ასამბლეის თავმჯდომარის პედრო აგრამუნტის გადადგომის მოთხოვნას მხარს ერთხმად უჭერენ.

როგორც მედიასთან საუბარში ჩუგოშვილმა აღნიშნა, აგრამუნტის გადადგომას საქართველოს დელეგაციაც ითხოვს.

„იმ ჯგუფში, რომელშიც ჩვენ ვართ გაწევრიანებული, ანუ სოციალისტების ჯგუფში, ერთხმად იქნა მხარდაჭერილი მისი გადადგომის მოთხოვნა, მათ შორის, საქართველოს დელეგაციის წევრების მხრიდანაც. პრეზიდენტის მიმართ არის ძალიან დიდი უნდობლობა, არის ძალიან დიდი კრიტიკა და მე ვფიქრობ, რომ საპარლამენტო ასამბლეის რეპუტაციისთვის სწორი იქნება, თუ მიიღებს პრეზიდენტი ამ გადაწყვეტილებას“,-განაცხადა თამარ ჩუგოშვილმა

მონიკა დავლიანიძე