საზოგადოება

„PKTV“-ის და „საფერავი ტვ“-ის მაუწყებლობის ავტორიზაციების მოდიფიცირება განხორციელდა

საქართველოს კომუნიკაციების ეროვნულმა კომისიამ დააკმაყოფილა ააიპ „ჟურნალისტები და იურისტები დემოკრატიისა და ადამიანის უფლებებისათვის“, ბრენდული სახელწოდება „PKTV“-ის და შპს „საფერავი ტვ“-ის განცხადებები და მათი კერძო საერთო ტელემაუწყებლობის ავტორიზაციების მოდიფიცირება განახორციელა.

კომუნიკაციების ეროვნული კომისიის ინფორმაციით, „PKTV“ საქმიანობას კერძო სპეციალიზებული (შემეცნებითი) ტელემაუწყებლობით გააგრძელებს, ხოლო „საფერავი ტვ“ კერძო სპეციალიზებული, სოფლის მეურნეობის თემატიკის ქვესახეობით იმაუწყებლებს.

ორივე ტელეკომპანიის მაუწყებლობის ავტორიზაციის მოდიფიცირების შესახებ გადაწყვეტილება ხელმისაწვდომია კომისიის გადაწყვეტილებების გვერდზე.