უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
პოლიტიკა
პოლიციელის ხელფასი არაადეკვატურია - გიორგი გახარია
შინაგან საქმეთა მინისტრმა გიორგი გახარიამ განაცხადა, რომ პოლიციელის ხელფასი არაადეკვატურია.
„არ შეიძლება, 800 ლარი ადეკვატური ხელფასი იყოს ადამიანისთვის, რომელიც მეორე მოქალაქის სიცოცხლეზე, უსაფრთხოებაზე, ჯანმრთელობაზეა პასუხისმგებელი და თავის მოვალეობას კეთილსინდისიერად ასრულებს“, – უპასუხა მინისტრმა პირველი არხის გადაცემა „ახალი კვირის“ წამყვანის შეკითხვას, რამდენად ადეკვატურია პოლიციელის ანაზღაურება იმ ფონზე, როცა მაღალჩინოსნების სოლიდურ პრემია–დანამატებზე ინფორმაცია ყოველდღიურად ვრცელდება.
„შსს–ში რეფორმების ძირითადი მიზანი იყო სამოქალაქო კომპონენტში ოპტიმიზაცია, რომელიც ფაქტობრივად, უკვე განხორციელების ეტაპზეა. დაახლოებით ოთხასი ასეთი პოზიციაა შემცირებული. ეს მხოლოდ ხელფასის ეკონომია არ არის. ეს გახლავთ ამ პოზიციებთან დაკავშირებული ავტოტრანსპორტი, საწვავი და ა.შ“, – განაცხადა გახარიამ.
მინისტრმა აღნიშნა, რომ სოციალური გარანტიის ძირითად კომპონენეტს მხოლოდ ხელფასი არ წარმოადგენს. მისი თქმით, უწყებაში მიმდინარე რეფორმები იქნება მიმართული პოლიციელთა სოციალური დაცვისკენ.
„ჩვენ ამას უფრო კომპლექსურად ვუდგებით და ვთვლით, რომ ეს ადამიანური რესურსების მართვის ერთ–ერთი კომპონენტია. სოციალური დაცვის ის გარანტიები და პროგრამები, რომლებიც შსს–ში უახლოეს პერიოდში განხორციელდება, სწორედ ჩვენი პოლიციელების სოციალური დაცვისკენ იქნება მიმართული“, – განაცხადა გიორგი გახარიამ.