უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
პრემიერმა მიუნხენში ვიზიტი შეაჯამა
დინამიკა, რომელიც ჩვენ გვაქვს აშშ-თან ურთიერთობაში, ძალიან პოზიტიურია, - განაცხადა საქართველოს პრემიერ-მინისტრმა, გიორგი კვირიკაშვილმა აშშ-ის ვიცე-პრეზიდენტ მაიკ პენსთან შეხვედრის შეფასებისას, მთავრობის დღევანდელ სხდომაზე განაცხადა.
პრემიერის თქმით, შეხვედრისას აღინიშნა, რომ საქართველოსა და აშშ-ს შორის სტრატეგიული პარტნიორობა არა მხოლოდ გაგრძელდება, არამედ გაღრმავდება და სრულიად სხვა საფეხურზე გადავა, რაც მისასალმებელია.
გიორგი კვირიკაშვილის თქმით, აშშ-ის ვიცე-პრეზიდენტთან მის შეხვედრას წინ უძღოდა ძალიან წარმატებული ვიზიტები, საგარეო და თავდაცვის უწყებების ხელმძღვანელთა შეხვედრები, ასევე - საპარლამენტო დელეგაციის ვიზიტი ვიცე-სპიკერ თამარ ჩუგოშვილის ხელმძღვანელობით.
„თავდაცვის უწყებების ხელმძღვანელთა შეხვედრაზე, საქართველოში მიმდინარე სამხედრო რეფორმა ძალიან დადებითად შეფასდა და მინდა ვთქვა, რომ მთლიანობაში, დინამიკა, რომელიც ჩვენ გვაქვს აშშ-თან ურთიერთობაში, ძალიან პოზიტიურია“, - განაცხადა პრემიერ-მინისტრმა.
საქართველოს მთავრობის პრესსამსახურის ინფორმაციით, უმნიშვნელოვანესი შეხვედრა აშშ-ის ვიცე-პრეზიდენტთან და რამდენიმე ქვეყნის პირველ პირთან, მიუნხენის უსაფრთხოების კონფერენციის ფარგლებში გაიმართა, რომელზე ვიზიტს საქართველოს პრემიერ-მინისტრმა „ძალიან წარმატებული“ უწოდა.
„შეხვედრა გვქონდა ესტონეთის პრეზიდენტთან. ჩვენ ძალიან საინტერესო ერთობლივ პროექტებს ვახორციელებთ ელექტრონული მმართველობის მიმართულებით, ასევე, ჩვენი საგადასახადო რეფორმა ესტონეთის მაგალითს ეფუძნება. განვიხილეთ ორმხრივი ურთიერთობები. ძალიან საინტერესო შეხვედრა გვქონდა ავღანეთის პრეზიდენტთან და უნდა ვთქვა, რომ სრულიად სხვა სახის შესაძლებლობები იხსნება ავღანეთთან ურთიერთობაში, ტრანსპორტის, ლოგისტიკისა და ეკონომიკური ურთიერთობის თვალსაზრისით. ასევე, გვქონდა საუბარი ქართული კომპანიებისთვის ავღანეთის სახელმწიფო შესყიდვებში მონაწილეობის შესაძლებლობაზე, რაზეც პრეზიდენტის მხრიდან გამოითქვა სრული მზაობა, რომ ისინი დიდი სიამოვნებით განიხილავენ ასეთ წინადადებებს“, - განაცხადა პრემიერ-მინისტრმა.
გიორგი კვირიკაშვილის თქმით, ასევე ძალიან მნიშვნელოვანი შეხვედრა გაიმართა საგარეო და უსაფრთხოების პოლიტიკის საკითხებში ევროკავშირის უმაღლეს წარმომადგენელთან, ფედერიკა მოგერინისთან, რომელმაც ვიზის ლიბერალიზაციის მიმართულებით საქართველოს დახმარების კუთხით ძალიან მნიშვნელოვანი პიროვნული წვლილი შეიტანა. შეხვედრისას, საუბარი ევროკავშირთან ასოცირების ხელშეკრულების ფარგლებში მომავალ სამოქმედო გეგმასაც შეეხო.
„სხვა მნიშვნელოვან შეხვედრებს აღარ ჩამოვთვლი. ერთი მნიშვნელოვანი დასკვნა, რომელიც შეგვიძლია, მიუნხენის უსაფრთხოების ორდღიანი კონფერენციიდან გამოვიტანოთ, გახლავთ ის, რომ ყველაზე ნათლად გამოჩნდა, რამხელა რაციონალი და ლოგიკა დგას ძლიერი ევროკავშირის უკან, ანუ უსაფრთხოების, პოლიტიკური, ეკონომიკური მიმართულებებით, დღევანდელი გამოწვევების პირობებში, რამდენად მნიშვნელოვანია ძლიერი ევროკავშირის არსებობა. არაერთი დისკუსიისას, ძალიან ბევრმა ლიდერმა გაუსვა ამას ხაზი და კიდევ ერთხელ გამოჩნდა ის სინერგია, რომელიც არსებობს ევროკავშირის ქვეყნებს შორის - ერთიანი ბაზრის ძალა და უსაფრთხოების კუთხით ძლიერი ევროკავშირის მნიშვნელობა. ჩვენ გვქონდა საშუალება, საპანელო დისკუსიების დროს, გვესაუბრა საქართველოს სტრატეგიაზე, ასევე იმ გამოწვევებზე, რომლებიც ჩვენ გაგვაჩნია; იმ პოზიტიურ ტენდენციებზე, რომელიც ქვეყანაში უდავოდ არის და ასევე, ოკუპაციის პრობლემებზე და საერთაშორისო თანამეგობრობის ჩართულობის მნიშვნელობაზე ამ პრობლემების გადაჭრის პროცესში“, - განაცხადა პრემიერ-მინისტრმა. ოკუპაციის პრობლემებსა და საერთაშორისო თანამეგობრობის ჩართულობის როლზე ამ პროცესში, გიორგი კვირიკაშვილმა გაეროს გენერალურ მდივან ანტონიო გუტიერესთან შეხვედრის დროსაც ისაუბრა.