უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
პოლიტიკა
პარლამენტის თავმჯდომარემ იუსტიციის უმაღლეს საბჭოში ხუთი არამოსამართლე წევრის ასარჩევად კონკურსი გამოაცხადა
პარლამენტის თავმჯდომარემ იუსტიციის უმაღლეს საბჭოში ხუთი არამოსამართლე წევრის ასარჩევად კონკურსი გამოაცხადა. კონკურსი 30 სექტემბრიდან იწყება და კანდიდატების წარდგენა 20 ოქტომბრის ჩათვლით არის შესაძლებელი.
წელიწადზე მეტია, რაც იუსტიციის საბჭოში 15 წევრიდან ხუთი არამოსამართლე წევრის თანამდებობა ვაკანტურია. პარლამენტმა არამოსამართლე წევრები 90-ხმიანი კვორუმით უნდა აირჩიოს.
“საერთო სასამართლოების შესახებ“ ორგანული კანონისა და პარლამენტის რეგლამენტის შესაბამისად, პარლამენტმა საქართველოს იუსტიციის უმაღლესი საბჭოს წევრად შეიძლება აირჩიოს საქართველოს მოქალაქე, რომელსაც აქვს უმაღლესი იურიდიული განათლება მაგისტრის ან მასთან გათანაბრებული აკადემიური ხარისხით/უმაღლესი განათლების დიპლომით, სპეციალობით მუშაობის არანაკლებ 5 წლის გამოცდილება, მაღალი რეპუტაცია და რომელიც სამართლის დარგის აღიარებული სპეციალისტია.
პარლამენტის წევრის, მოსამართლისა და პროკურორის იუსტიციის უმაღლესი საბჭოს წევრობის კანდიდატად წარდგენა არ შეიძლება.
იუსტიციის უმაღლესი საბჭოს წევრობის კანდიდატები შეირჩევიან: საქართველოს უმაღლეს საგანმანათლებლო დაწესებულებებში მოღვაწე პროფესორებისა და მკვლევრებისაგან; საქართველოს ადვოკატთა ასოციაციის წევრებისაგან; საქართველოს არასამეწარმეო (არაკომერციული) იურიდიული პირების მიერ წარდგენილი პირებისაგან.
იუსტიციის უმაღლესი საბჭოს წევრობის კანდიდატების წარდგენის უფლება აქვს საქართველოს უმაღლესი საგანმანათლებლო დაწესებულებას, საქართველოს ადვოკატთა ასოციაციას და საქართველოს არასამეწარმეო (არაკომერციული) იურიდიულ პირს.