პოლიტიკა

პრეზიდენტი - სამხედრო სამსახურში გაწვევაზე: სასურველია, ყველა გამოვიდეს, პირველ რიგში, სახელმწიფო ინტერსებიდან

საქართველოს პრეზიდენტის ადმინისტრაცია თავდაცვის მინისტრის გადაწყვეტილებას სავალდებულო სამხედრო სამსახურში გაწვევასთან დაკავშირებით კიდევ ერთხელ გამოეხმაურა.

როგორც გიორგი მარგველაშვილის პრესსპიკერის ეკა მიშველაძის განცხადებაშია ნათქვამი, მიუხედავად იმისა, რომ პრეზიდენტმა და პრემიერმაც ამომწურავად უპასუხეს ამ თემას, მედიის ინტერესი მაინც დიდია.

„უახლოეს მომავალში წინ არის ვარშავის სამიტი, რაც ჩვენი ქვეყნისთვის ძალიან მნიშვნელოვანი ღონისძიებაა. სამიტზე პრეზიდენტი თავდაცვის მინისტრთან ერთად მიემგზავრება და პრეზიდენტის აზრით, ამ საკითხების საჯარო განხილვამ შესაძლოა, დააზარალოს ქვეყნის ინტერესები. პრეზიდენტი მიიჩნევს, რომ ასეთ დროს სასურველია, ყველა გამოვიდეს პირველ რიგში სახელმწიფო ინეტერსებიდან“,-განაცხადა ეკა მიშველაძემ.

მონიკა დავლიანიძე