კომენტარი

პრეზიდენტთან თანამშრომლობის განწყობით ვართ - აკაკი ზოიძე

„ქართული ოცნების“ წევრის აკაკი ზოიძის განცხადებით, საპარლამენტო უმრავლესობა პრეზიდენტთან თანამშრომლობისთვის მზად არის.

ამის შესახებ ზოიძემ ჟურნალისტებს პარლამენტში პრეზიდენტის სიტყვით გამოსვლის შემდეგ განუცხადა.

„მთლიანობაში საინტერესო სიტყვა იყო, გამოწვევებზეც ისაუბრა ბატონმა პრეზიდენტმა. ჩვენ მზად ვართ, იმისათვის, რომ ვითანამშრომლოთ პრეზიდენტთან, როგორც ჩვენი საკონსტიტუციო მოწყობის, კონსტიტუციის გარანტთან, ხელისუფლების ერთ-ერთ შტოსთან. თანამშრომლობის განწყობით ვართ და იმედია, ყველაფერი ისე წარიმართება, როგორც ეკადრება ქართულ სახელმწიფოს“,-აღნიშნა დეპუტატმა.

რაც შეეხება პრეზიდენტის არჩევის წესის შეცვლის საკითხს, ზოიძემ აღნიშნა,რომ მართალია, ეს მნიშვნელოვანი საკითხია, მაგრამ იგი მთლიანად საკონსტიტუციო მოწყობის ჭრილში უნდა იყოს განხილული.

„ჩევნი ამოცანა შემდეგი ოთხი წლის განმავლობაში, რომ ძალიან ფართო პოლიტიკურ კონსენსუსს მივაღწიოთ საკონსტიტუციო მოდელთან დაკავშირებით მთლიანობაში, რომლის ერთ-ერთი მნიშვენლოვანი ნაწილია პრეზიდენტის არჩევის წესი და არა ძირითადი“,-აღნიშნა „ქართული ოცნების“ წევრმა.

მონიკა დავლიანიძე