კომენტარი

პროკურატურას ყველა მასალას წარვუდგენთ - ფონდ „იავნანას“ ხელმძღვანელი

ფონდ „იავნანაში“ მიესალმებიან, რომ მთავარი პროკურატურა ფონდის საქმიანობით დაინტერესდა და საგამოძიებო მოქმედებებს ჩაატარებს.

როგორც ჟურნალისტებს ფონდის ხელმძღვანელმა გურამ ახალაიამ განუცხადა, ფონდი საგამოძიებო უწყებასთან ითანამშრომლებს და ყველა დოკუმენტს წარუდგენს, მათ შორის აუდიტის დასკვნასაც.

„ძალიან სამწუხაროა, რომ ასეთი ცრუ ინფორმაცია გავრცელდა და ამ ინფორმაციის ასეთი ტირაჟირება მოხდა. მაგრამ მისასალმებელია,რომ პროკურატურა ამით დაინტერესდა. ჩვენ მზად ვართ ვითანამშრომლოთ პროკურატურასთან. წარვუდგენთ ყველა მასალას, თუმცა აქამდეც გამჭვირვალე იყო ფონდის მუშაობა. არის აუდიტის დასკვნაც და ყველაფერს წარვუდგენთ პროკურატურის შესაბამის ორგანოებს“,-აღნიშნა გურამ ახალაიამ.

მონიკა დავლიანიძე