უკან

უახლესი ამბები

დღის კალენდარი

ანონსები

არქივი

პოლიტიკა

7 აგვისტო, 2018 10:45
font-size

პუტინმა დამირეკა და მითხრა, იცოდე, სამხრეთ ოსეთსა და აფხაზეთში არანაირი საჩუქრები ჩვენგან არ გექნებათ - მიხეილ სააკაშვილი

საქართველოს ყოფილი პრეზიდენტის, მიხეილ სააკაშვილის განცხადებით, რუსეთ-საქართველოს ომი არ დაწყებულა 2008 წელს, არამედ 1989 წლის 9 აპრილს. ამის შესახებ სააკაშვილმა აგვისტოს ომის მე-10 წლისთავისადმი მიძღვნილ ვიდეომიმართვაში თქვა.

მისივე თქმით, რუსეთი ითმენდა „საქართველოს არსებობას“, თუმცა „ვარდების რევოლუციისა“ და აჭარის დაბრუნების შემდეგ დაიწყო ფართომასშტაბიანი კონფლიქტისთვის მზადება.

„2018 წლის 7 აგვისტოს სრულდება 10 წელი რუსეთ-საქართველოს ფართომასშტაბიანი ომის დაწყებიდან. ეს იყო ძალიან მძიმე, ტრაგიკული და ამავე დროს ძალიან გმირული მომენტი ჩვენი ისტორიის. მე მინდა, დღეს რამდენიმე საკითხზე გესაუბროთ, რომელიც ძალიან მნიშვნელოვანია. უპირველეს ყოვლისა ვთქვათ, რომ ეს ომი არ დაწყებულა 2008 წელს, ეს ომი დაიწყო 1989 წლის 9 აპრილს, გაგრძელდა ცხინვალის კონფლიქტით, შემდეგ აფხაზეთის ფართომასშტაბიანი ომით, სადაც რუსეთმა მოახერხა და 500 000-მდე აფხაზეთის მკვიდრი აფხაზეთის ტერიტორიიდან გააძევა და აფხაზეთზე ჩაიგდო ხელში კონტროლი, შემდეგ ეს გრძელდებოდა ძალიან ბევრ პროვოკაციაში, მაგრამ 2003 წლამდე რუსეთი საქართველოს არსებობას ითმენდა, რადგან საქართველო არშემდგარი სახელმწიფო იყო. ეს იყო ტერიტორია, სადაც იყო კორუფცია, კონტრაბანდა, ხალხი იყო უკიდურესად იმედგაცრუებული და ამიტომ რუსეთს განსაკუთრებული ქმედებების განხორციელება არ სჭირდებოდა, 2003 წელს მოხდა „ვარდების რევოლუცია“, 2004 წლიდან დაიწყო რეფორმები, რომელმაც მართლა აღაფრთოვანა თანდათან მთელი მსოფლიო და 2004 წელს ჩვენ კონტროლი დავიბრუნეთ აჭარაზე, ტერიტორიაზე, რომელსაც მთლიანად რუსეთი აკონტროლებდა. ეს იყო პირველი შემთხვევა საბჭოთა კავშირის დაშლის დროიდან, როდესაც რუსეთს ვიღაცამ ტერიტორია წაართვა და მაშინ მე პუტინმა დამირეკა და მითხრა, რაც მოხდა, მოხდა, მაგრამ ამის მერე იცოდე, სამხრეთ ოსეთსა და აფხაზეთში არანაირი საჩუქრები ჩვენგან არ გექნებათ და მან დაიწყო ფართომასშტაბიანი კონფლიქტისთვის მზადება“, - განაცხადა სააკაშვილმა ვიდეომიმართვაში.

გიორგი გახარია ევროპული საბჭოს პრეზიდენტ შარლ მიშელს შეხვდა

29 სექტემბერი, 2020 , 17:49

საქართველოს პრემიერ-მინისტრი გიორგი გახარია ბრიუსელში ოფიციალური ვიზიტის ფარგლებში ევროპული საბჭოს პრეზიდენტ შარლ მიშელს შეხვდა.  მთავრობის ადმინისტრაციის პრესსამსახურის ცნობით, მხარეებმა ყურადღება დაუთმეს COVID-19-

საქართველოს პრეზიდენტი სალომე ზურაბიშვილი ევროპის საბჭოს საქართველოს ოფისის ხელმძღვანელს, ნატალია ვუტოვას შეხვდა

29 სექტემბერი, 2020 , 16:45

საქართველოს პრეზიდენტი სალომე ზურაბიშვილი ევროპის საბჭოს საქართველოს ოფისის ხელმძღვანელს, ნატალია ვუტოვას შეხვდა. ორბელიანების სასახლეში გამართულ გაცნობითი ხასიათის შეხვედრაზე ელჩმა მაღალი შეფასება მისცა საქართველოს ევრო

მმართველი გუნდის წევრებისთვის საერთო მაუწყებლის მიერ დაგეგმილ დებატებში მონაწილეობა სავალდებულო უნდა გახდეს - „ლელო“ ახალი ინიციატივით გამოდის

29 სექტემბერი, 2020 , 16:05

„ლელოს“ ლიდერებმა და მაჟორიტარი დეპუტატობის კანდიდატებმა - კახა კოჟორიძემ და ლევან კობერიძემ პარლამენტში საკანონმდებლო ინიციატივა წარადგინეს, რომლის თანახმადაც, მმართველი გუნდის წევრებისთვის სავალდებულო უნდა

„ქართული ოცნება“ სრულ საარჩევნო სიას პირველ ოქტომბერს გამოაქვეყნებს

29 სექტემბერი, 2020 , 15:30

„ქართული ოცნების“ სრული საარჩევნო სია პირველ ოქტომბერს გამოქვეყნდება, – ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ განაცხადა. „გამსვლელ სიაში ოცეულის შემდ

მავნებლობა და დესტრუქცია არის ერთ-ერთი საგანგებო რესურსი, რომელსაც ჩვენი ოპონენტების გარკვეული ჯგუფი იყენებს - გია ვოლსკი

29 სექტემბერი, 2020 , 15:30

მავნებლობა და დესტრუქცია არის ერთ-ერთი საგანგებო რესურსი, რომელსაც ჩვენი ოპონენტების გარკვეული ჯგუფი იყენებს, – ამის შესახებ პარლამენტის პირველმა ვიცე -სპიკერმა, გია ვოლსკიმ პარლამენტის პლენარულ სესიაზე განაცხადა.

გიორგი გახარია ნატოს შტაბბინაში იენს სტოლტენბერგს შეხვდა

29 სექტემბერი, 2020 , 14:45

საქართველოს ნატოში ინტეგრაციის პროცესი და შავი ზღვის უსაფრთხოება იყო ძირითადი თემები საქართველოს პრემიერ-მინისტრ გიორგი გახარიასა და ნატოს გენერალური მდივნის, იენს სტოლტენბერგის შეხვედრაზე, რომელიც დღეს ბრიუსელში, ნატო-ს

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე