საზოგადოება

ქარის გამო შესაძლოა, მხუთავი აირი CO ოთახში გაიფრქვას -“ყაზტრანსგაზი”

“ყაზტრანსგაზ–თბილისი” განცხადებას ავრცელებს და მოსახლეობას ქარის დროს მეტი ყურადღებისკენ მოუწოდებს.

“ქარის დროს აუცილებელია ოთახების ხშირად განიავება, ვინაიდან ქარის ზემოქმედებით, შესაძლოა, გაზის ნამწვი, მხუთავი აირი CO ოთახში გაიფრქვას.

ქარიან ამინდში გაზის დანადგარებიდან მომდინარე საფრთხეები მნიშვნელოვნად იზრდება შესაბამისად, იმ მოქალაქეებს, ვინც ჯერ კიდევ ღია წვის კამერიან გამათბობლებს და წყლის გამაცხელებლებს იყენებს, მოვუწოდებთ, დაუყოვნებლივ გამორთონ ისინი და დაუკავშირდნენ „ყაზტრანსგაზ–თბილისს“. ჩვენი სპეციალისტები სრულიად უფასოდ დაგეხმარებიან #მკვლელი დანადგარების დემონტაჟში.

„ყაზტრანსგაზ–თბილისი“ კიდევ ერთხელ მოგიწოდებთ – შეცვალეთ #მკვლელი დანადგარები თანამედროვე, უსაფრთხო, დახურული წვის კამერიანი მოწყობილობებით.

საჭიროების შემთხვევაში დარეკეთ ნომერზე 114 ზარი უფასოა”, – ნათქვამია განცხადებაში.