უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
ქართულ სუნელზე არანაირი შეზღუდვა არ არის აშშ-ში - სოფლის მეურნეობის მინისტრი
სოფლის მეურნეობის მინისტრის, ლევან დავითაშვილის განცხადებით, ქართული სუნელის ექსპორტზე შეზღუდვები არ არსებობს. მისი თქმით, ქართულ სუნელებში ტყვიის მაღალი შემცველობის შესახებ გავრცელებული ინფორმაცია დამატებით შესწავლას საჭიროებს.
„ქართული სუნელი გადის ექსპორტზე 30-ზე მეტ ქვეყანაში, მათ შორის ევროკავშირის ქვეყნებში, სადაც საკმაოდ მკაცრი მოთხოვნებია. არანაირი შეზღუდვა არ არის აშშ-ში. ქართული სუნელი ამერიკის არცერთ ფედერალურ უწყებას არ აუკრძალავს. ცალკეული ფაქტები საჭიროებს დამატებით შესწავალას და ჩვენ საჭირო ინფორმაციას ვიღებთ დიპლომატიური არხებით“,- განაცხადა დავითაშვილმა.
სურსათის ეროვნული სამსახურის ბოლო ინფორმაციით, საქართველოს მასშტაბით ტყვიის შემცველობაზე იყო გამოკვლეული სხვადასხვა სახეობის სუნელების 75 ნიმუში, საიდანაც დარღვევა 4 შემთხვევაში გამოვლინდა.
საზოგადოებრივი ინტერესი ტყვიის საკითხის მიმართ მას შემდეგ გაიზარდა, რაც 30 ივნისს მედიაგამოცემა On.ge-მ გაავრცელა ნიუ-იორკის ჯანდაცვის დეპარტამენტის განცხადება, რომელიც მოსახლეობას აფრთხილებდა, რომ ქართულ სუნელებში ტყვიის მაღალი შემცველობა დაფიქსირდა. ინფორმაცია გადაამოწმა „ამერიკის ხმის“ ქართულმა სამსახურმა. როგორც ჟურნალისტურმა გამოძიებამ დაადგინა, ტყვიის მაღალი შემცველობა უფიქსირდებათ საქართველოდან ჩამოსულ მოქალაქეებს, თუმცა უკავშირდება თუ არა ეს კონკრეტულად ქართული წარმოების სუნელებს, უცნობია.
ანა მებურიშვილი