უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
,,ქართული ოცნება’’ კაჭრეთის ,,ამბასადორში’’ სამუშაო შეხვედრას მართავს
,,ქართული ოცნების’’ ლიდერები კაჭრეთში სასტუმრო ,,ამბასადორში’’ გასვლით შეხვედრას მართავენ, სადაც სამომავლო გეგმებზე მსჯელობენ.
როგორც ,,ქართული ოცნების’’ წევრმა, მარიამ ჯაშმა ჟურნალისტებს განუცხადა, შეხვედრაზე საუბარი შეეხება საარჩევნო პროგრამით გათვალისწინებული პრიორიტეტებსა და გეგმებს.
მისივე ინფორმაციით, შეკრებაზე არ იგეგმება საკადრო ცვლილებების განხილვა.
,,საკითხები შეეხება საარჩევნო პროგრამით გაწერილი პოლიტიკური და პროგრამული პრიორიტეტების განხილვას როგორც დემოკრატიის, ეკონომიკის, საგარეო ურთიერთობების, ჯანდაცვისა და სოციალური განვითარების კუთხით, ასევე საერთაშორისო და დონორ ორგანიზაციებთან კოორდინაციის საკითხებს. ეს ძალიან მნიშვნელოვანი შეხვედრაა სამუშაო ტიპის ფორმატში.
რაც შეეხება საკადრო ცვლილებებს, კონკრეტულად ამ შეხვედრაზე არ იგეგმება საკადრო ცვლილებების განხილვა’’, - განაცხადა მარიამ ჯაშმა.
თავის მხრივ, როგორც შეხვედრის კიდევ ერთმა მონაწილემ, გიორგი კახიანმა აღნიშნა, განხილული იქნება ის საკითხები, რომლებიც პირველ რიგში უნდა დააყენონ საპარლამენტო მუშაობის დაწყებისას.
,,ეს არის სხვადასხვა კანონპროექტი, რომელიც ამ ხნის განმავლობაში მოგროვდა, გამომდინარე იქიდან, რომ პარლამენტი პლენარულ სხდომაზე არ შეკრებილა რამდენიმე თვეა. პირველ რიგში, იქნება საუბარი ბიუჯეტის კანონის პროექტზე’’, - განაცხადა გიორგი კახიანმა.
ნინო ექვთიმიშვილი