უახლესი ამბები
- 05.03.2021 21:35მესამე ტალღა მოსალოდნელია, თუმცა ეს არაა სავალდებულო, ეს არაა ბედისწერა - თენგიზ ცერცვაძე
- 05.03.2021 20:36დავით გარეჯის თემა კიდევ ერთი ინდიკატორი გახდა იმისა, თუ რას წარმოადგენს დღევანდელი სახალხო დამცველი - გია ვოლსკი
- 05.03.2021 20:26ლიეტუვისა და ევროკავშირის საგარეო საქმეთა მინისტრები საქართველოსთან დაკავშირებით „მედიატორთა ჯგუფის“ ჩამოყალიბებას აპირებენ
- 05.03.2021 20:13არის დიდი აზრთა სხვადასხვაობა, თუმცა, მე ვხედავ, რომ ყველა მხრიდან არის იმის სურვილი, რომ საკითხები გადაწყდეს - კელი დეგნანი
- 05.03.2021 19:55კონსტიტუციის 100 წელი - სამოქალაქო საზოგადოების ახალი მანიფესტი რომელსაც `ლელო`, ` სტრატეგია აღმაშენებელი` და ელენე ხოშტარია შეუერთდნენ
- 05.03.2021 19:42„ნამახვანი ჰესის` პროექტი ჯერ მხოლოდ დაწყებულია და ტოვებს სივრცეს, გავითვალისწინოთ გარკვეული მომენტები მისი გაუმჯობესებისთვის - ნათია თურნავა
- 05.03.2021 19:24ოკუპირებული ტერიტორიიდან განსაკუთრებით დიდი ოდენობით უაქციზო სიგარეტის შემოტანის ფაქტზე სამი პირი დააკავეს
- 05.03.2021 18:32სახალხო დამცველის მიერ სასამართლოში წარდგენილი მოსაზრება არის მიკერძოებული, სუბიექტურად აფასებს ფაქტებს და მტკიცებულებებს - გენერალური პროკურატურა
- 05.03.2021 18:21ეროვნული ბანკი გაცხადებას ავრცელებს
- 05.03.2021 17:251 აშშ დოლარის ოფიციალური ღირებულება 3.3202 ლარი გახდა
არქივი
პოლიტიკა


„ქართული ოცნება“ მზაკვრულად და მალულად გვაპარებს საარჩევნო კოდექსში ახალ ცვლილებებს - ირმა ინაშვილი
პარლამენტის ვიცე-სპიკერის, ფრაქცია ,,საქართველოს პატრიოტების’’ წევრის, ირმა ინაშვილის განცხადებით, ადგილი აქვს „ქართული ოცნების“ მიერ ხელისუფლების უზურპაციის მცდელობას.
,, ვფიქრობ და ვწუხვარ, რომ უკვე სრულიად ნათელია’’, - აღნიშნა დღევანდელ ბრიფინგზე ინაშვილმა და ჟურნალისტებთან ვენეციის კომისიის დასკვნასთან დაკავშირებით განმარტება გააკეთა.
,,ვენეციის კომისია გვეუბნება, რომ კონსტიტუცია უნდა იყოს ფართო საზოგადოებრივ-პოლიტიკური კონსენსუსის შედეგი. ნათელია, რომ „ქართული ოცნების“ მიერ შემოთავაზებული ვარიანტი არ მოსწონს არავის, გარდა „ ქართული ოცნებისა“.
ვენეციის კომისიამ ,ფაქტობრივად, ცალსახად თქვა, რომ თუ აიკრძალა საარჩევნო ბლოკები და შენარჩუნდა 5% ბარიერი, ამ პირობებში ე.წ. ბონუსი, ან უბრალო ენით რომ ვთქვათ, მანდატების მიტაცება არ და ვერ უზრუნველყოფს სამართლიან არჩევნებს.
ვენეციის კომისიამ ერთმნიშვნელოვნად თქვა, პრეზიდენტის პირდაპირი წესით არჩევა (საქართველოს სინამდვილეში) უზრუნველყოფს ბევრად მეტ ბალანსს ხელისუფლების შტოებს შორის, ვიდრე „ქართული ოცნების“ მიერ შემოთავაზებული მოდელი.
ვენეციის კომისიამ აღნიშნა, რომ პარლამენტის მიერ უზენაესი სასამართლოს მოსამართლეების დანიშვნა ძალაუფლების გაუმართლებელი კონცენტრაციაა ერთი პოლიტიკური ძალის ხელში’’, - განაცხადა ინაშვილმა.
,,პატრიოტთა ალიანსის’’ წევრის თქმით, „ქართული ოცნება“ საარჩევნო კოდექსში ახალი ცვლილებებით საარჩევნო კომისიებში საკუთარი წარმომადგენლების რაოდენობის გაზრდას და არჩევნებში გამარჯვებას არაკანონიერი მეთოდებით ცდილობს.
,,ვფიქრობ, ქვეყანაში სახეზეა პოლიტიკური კრიზისი ჯერ პარლამენტის დონეზე და ამ ფონზე, ხელისუფლება არა თუ უკან იხევს, პირიქით, „ქართული ოცნება“ მზაკვრულად და მალულად გვაპარებს საარჩევნო კოდექსში ახალ ცვლილებებს. კერძოდ:
არც ერთ ხელისუფლებას არ გაუბედავს საუბნო, საოლქო და ცენტრალურ საარჩევნო კომისიაში საკუთარი პარტიის ორი წევრის დანიშვნაც კი. მმართველი ძალა ყოველთვის ნიშნავდა ერთ წევრს (ამას ემატებოდა 6 წევრი- პროფესიული ნიშნით). „ქართულ ოცნებას“ კი, წარმოდგენილი ცვლილებებით, ცენტრალური საარჩევნო კომისიის მთელ სისტემაში სურს დანიშნოს 4 წევრი. დამატებით ხელისუფლება ნიშნავს 6 წევრს- პროფესიული ნიშნით, ანუ ჯამში გამოდის, რომ 13 კაციან კომისიაში 10 წევრი ეყოლება „ქართულ ოცნებას“ და ნებისმიერ გადაწყვეტილებას ეს ერთი პარტია დამოუკიდებლად მიიღებს.
როცა რამდენიმე პარტია არჩევნებში მხარს უჭერს 1 საერთო კანდიდატს, წარმომადგენელი საუბნო და საოლქო კომისიაში აღარ ეყოლება ამ რამდენიმეს, არამედ ეყოლება მხოლოდ ერთს, რომელი პარტიითაც კანდიდატია წარდგენილი. ამით პარტიებს ერთმევათ საშუალება სრულფასოვნად, თანაბარი უფლებით დააკვირდნენ და გავლენა მოახდინონ არჩევნების მიმდინარეობაზე. განსაკუთრებით, მეორე ტურის შემთხვევაში, როცა მესამე სუბიექტს უკვე აღარ აქვს უფლება დააკვირდეს საარჩევნო პროცესს’’, - განაცხადა ირმა ინაშვილმა.
მისივე თქმით, საუბნო კომისიის თავმჯდომარეებს გაუმართლებლად ეზრდებათ უფლებები. კერძოდ, ენიჭებათ უფლება,- ნებისმიერი პარტიის წარმომადგენელი გააძევონ საარჩევნო უბნიდან, რაც ინაშვილის შეფასებით, ,,წარმოუდგენელი უკანონობაა.’’
,,საარჩევნო კომისიას უბანზე ან საარჩევნო ოლქში საშუალება ეძლევა,- არსებული ოქმის პარალელურად, შექმნას მხოლოდ „ქართული ოცნების“ წევრთა მიერ დადასტურებული ოქმი. ისე, რომ მისი კანონიერება არ დადგეს ეჭვქვეშ. ამგვარად, ხელისუფლება ჯერ ერთი: აკანონებს გაყალბებას საარჩევნო უბნებზე! მეორეც- აკანონებს ამ გაყალბების შეფუთვას შემასწორებელი ოქმებით.
არის კიდევ ცვლილებები, რომლებიც დიდ ზიანს აყენებს საარჩევნო პროცესს. მაგალითად, გამგებელს ეძევა უფლება,- გამოითხოვოს საარჩევნო სიები უბნების მიხედვით. პირდაპირ ვამბობთ, რომ ეს იქნება ამომრჩეველზე უკვე კანონით გამართლებული ზეწოლის საშუალება. არადა, ჩვენ ვითხოვდით, რომ ადმინისტრაციული რესურსის ბოროტად გამოყენება გათანაბრებულიყო სისხლის სამართლის კატეგორიის დანაშაულთან. „ქართული ოცნება“ კი პირიქით, აკანონებს საარჩევნო პროცესში გამგებლების ჩარევას და ადმინისტრაციული რესურსის ბოროტად გამოყენებას.
სრულიად ნათელია, რომ ადგილი აქვს არა მხოლოდ საარჩევნო სისტემის უზურპაციას. ფაქტობრივად, ხელისუფლება კლავს საარჩევნო პროცესს, სპობს არჩევნების გზით ხელისუფლების შეცვლის შესაძლებლობას და საფრთხის ქვეშ აყენებს ქვეყნის დემოკრატიულ განვითარებას, " - განაცხადა ირმა ინაშვილმა.
ნინო ექვთიმიშვილი
საკვანძო სიტყვები:

დავით გარეჯის თემა კიდევ ერთი ინდიკატორი გახდა იმისა, თუ რას წარმოადგენს დღევანდელი სახალხო დამცველი - გია ვოლსკი
5 მარტი, 2021 , 20:36

ლიეტუვისა და ევროკავშირის საგარეო საქმეთა მინისტრები საქართველოსთან დაკავშირებით „მედიატორთა ჯგუფის“ ჩამოყალიბებას აპირებენ
5 მარტი, 2021 , 20:26

ვესაუბრე მიხეილ სააკაშვილს და შევჯერდით, რომ არასწორია პლებისციტის იდეის დამუნათება - გიგი უგულავა
5 მარტი, 2021 , 16:05

იმ ექვსი პუნქტიდან, რომელიც ოპოზიციამ დააყენა, ოთხ პუნქტთან დაკავშირებით ჩვენ უკვე ვმუშაობთ, ახლა საქმე მათ მხარეს არის - შალვა პაპუაშვილი
5 მარტი, 2021 , 12:25

აშშ-სა და საქართველოს შორის თავდაცვისა და უსაფრთხოების სამაგალითო თანამშრომლობა მომდევნო წლებში გაძლიერდება - დავით ზალკალიანი
5 მარტი, 2021 , 12:25

მიხეილ სარჯველაძემ და შალვა პაპუაშვილმა „მეწარმეთა შესახებ“ ახალი კანონპროექტის პრეზენტაცია გამართეს
5 მარტი, 2021 , 12:25