კომენტარი

“ქართული ოცნება” თვლის, რომ მაჟორიტარული სისტემა უნდა დარჩეს - გიორგი ახვლედიანი

„ნინო ბურჯანაძე-დემოკრატიული მოძრაობის“ წევრის გიორგი ახვლედიანის განცხადებით, ქვეყანაში საარჩევნო სისტემის ცვლილება უკვე 20 წელია სერიოზულ პრობლემას წარმოადგენს.

როგორც ახვლედიანმა პრეკსონფერენციაზე აღნიშნა, მმართველი გუნდის წარმომადგენლებს მიაჩნიათ, რომ მაჟორიტარული საარჩევნო სისტემა უნდა დარჩეს.

თუმცა, მისი თქმით, საკონსტიტუციო ცვლილებებზე მომუშავე კომისიის ბევრი წევრი საწინააღმდეგო აზრის არის.

“ქართული ოცნება” თვლის, რომ მაჟორიტარული სისტემა უნდა დარჩეს, მე და კომისიის ბევრ წევრს მიგვაჩნია, რომ ეს სისტემა ორი წელია გაუქმებას საჭიროებს. არის ინიციატივა შემოსული, რომელიც მთლიანად პროპორციულ სისტემაზე გადასვლას გულისხმობს, არის ასევე, სამხარეო სისტემის საკითხის განხილვაც. არის მოსაზრება, რომ დღეს რაც არის, არის იდეალური, თუმცა ყველაზე მნიშვნელოვანი თემა, რაც ამ ეტაპზე განსახილველია საკონსტიტუციო კომისიაში, უკავშირდება მაჟორიტარულ სისტემას, ამ საკითხზე მსჯელობები ორ მარტს და ოთხ მარტს განახლდება“,-აღნიშნა გიორგი ახვლედიანმა.

მონიკა დავლიანიძე