უკან
არქივი
საზოგადოება
28 მაისი, 2018 14:55
„ქართული ოცნების“ ოფისთან შეკრებილი ტანძიელების ნაწილმა შიმშილობა დაიწყო
„ქართული ოცნების“ ოფისთან შეკრებილი ტანძიელების ნაწილმა, რომლებიც RMG Gold-ის საქმიანობას აპროტესტებენ, შიმშილობა დაიწყო.
ისინი პარტიის თავმჯდომარესთან შეხვედრას და ტანძიაში არსებულ ვითარებაზე მსჯელობას მოითხოვენ. ამ დროისთვის აქციის ორი მონაწილე შიმშილობს.
ადგილობრივების განცხადებით, "RMG Gold"-ის მიერ კარიერული წესით ოქროს მოპოვებითი სამუშაოები მოსახლეობის ჯანმრთელობას საფრთხეს უქმნის.
აქციის მონაწილეები აცხადებენ, რომ ბიძინა ივანიშვილთან შეხვედრის დროს ისინი ეცდებიან აუხსნან მას, თუ რამდენად საშიშია ტანძიელების ჯანმრთელობისთვის ოქროს მოპოვებითი სამუშაოები.
"ქართული ოცნების" ოფისთან შეკრებილებმა ივანიშვილს შეხვედრისთვის ერთ საათიანი ვადა მისცეს, მას შემდეგ კი, რაც მათ მოთხოვნას შედეგი არ მოჰყვა, შიმშილობის დაწყება გადაწყვიტეს.