უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
„ქართული ოცნების“ წიაღიდან წამოსულ არცერთ პრემიერ-მინისტრს ბიძინა ივანიშვილთან ხედვაში ასეთი აცდენა არ უნდა ჰქონდეს - რომან კაკულია
პარლამენტის დარგობროვი კომიტეტის თავმჯდომარის, რომან კაკულიას განცხადებით, მისთვის მოულოდნელი აღმოჩნდა, რომ ქვეყნის ეკონომიკურ განვითარებასთან დაკავშირებით პარტია „ქართული ოცნების“ თავმჯდომარეს ბიძინა ივანიშვილსა და ყოფილ პრემიერ-მინისტრ გიორგი კვირიკაშვილს ასეთი ურთიერთგანსხვავებული ხედვა ექნებოდათ.
„ყველა ხედავს, როგორ წნეხად აწევს საზოგადოების დიდ ნაწილს საბანკო ვალდებულებები, მაგრამ მან აღნიშნა, რომ ამის თქმა არ ნიშნავს საბანკო სექტორის ეფექტურობის მნიშვნელობის კითხვის ნიშნის ქვეშ დაყენებას. კვირიკაშვილთან დაკავშირებით ძალიან ბევრი აქცენტი დაისვა, რაც საზოგადოებას აინტერესებდა. ჩემი აზრით, ის გულისხმობდა, რომ როცა მთავრობის მეთაური ხარ და ქვეყანაში ხდება ის, რაც ხდება, ვალდებულება გეკისრება. რამდენად იყო სუბიექტური ფაქტორები და რამდენად იყო პროცესები უმართავი იმ თვალსაზრისით, რომ ქვეყანაში არსებული მდგომარეობიდან გამომდინარე, საზოგადოება მაინც აღმოჩნდებოდა იმ მდგომარეობაში, ამას შესწავლა უნდა, მაგრამ ხელისუფლების წარმომადგენელი ვერასოდეს აიცილებს თავიდან უარყოფით ტენდენციებზე პასუხისმგებლობას. ეს იყო ძალიან გასათვალისწინებელი მესიჯი სამომავლოდაც.
ჩემთვის ბიძინა ივანიშვილისა და გიორგი კვირიკაშვილის ურთიერთობებში მოულოდნელობა ის იყო, რომ ვერასდროს წარმოვიდგენდი, თუ ეკონომიკურ განვითარებასთან დაკავშირებით ხედვაში ასეთი ხარისხის აცდენა ექნებოდათ. ჩემთვის ყველაზე დიდი მიუღებლობა არის ეს და ვფიქრობ, პირადად ამ ხარისხის უთანხმოების შესახებ აუცილებლად უნდა მცოდნოდა. ეს ვისი ბრალია, არ ვიცი, მაგრამ ვისაც უნდა, ეს თავის თავზე იმან მიიღოს. თუ ამ ხანგრძლივობით გრძელდებოდა აცდენა პრემიერსა და ბიძინა ივანიშვილს შორის, ეს ჩემთვის მიუღებელი ფაქტორია და არცერთ პრემიერ-მინისტრს, რომელიც „ქართული ოცნების“ წიაღიდან არის წამოსული, ასეთი ტიპის აცდენა არ უნდა ჰქონდეს. ეს ჩემთვის მიუღებელია“, – განაცხადა კაკულიამ.
პირველი არხისთვის მიცემულ ინტერვიუში ბიძინა ივანიშვილმა განაცხადა, რომ კვირიკაშვილს მართვა აღარ შეეძლო და უნდა წასულიყო.