უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
„ქართულმა ოცნებამ“ 6 წელიწადში 12 მილიარდი ლარით მეტი დახარჯა, ვიდრე „ნაცმოძრაობამ“ 9 წელიწადში - სალომე სამადაშვილი
„სად მიდის ეს ფული, რომელსაც ხარჯავთ? ინფრასტრუქტურულ პროექტებში, რომელიც წარმოსახვით რეალობაში არსებობს? რადგან რეალურად ვერ ვხედავთ“, - ამის შესახებ „ნაციონალური მოძრაობის“ წევრმა, სალომე სამადაშვილმა დასვა კითხვა პარლამენტის სხდომაზე.
დეპუტატის განცხადებით, 6 წელიწადში „ქართული ოცნების“ ხელისუფლებამ 12 მილიარდი ლარით მეტი დახარჯა, ვიდრე „ნაცმოძრაობამ“ 9 წელიწადში.
სამადაშვილი დაინტერესდა, რაში დაიხარჯა 62 მილიარდამდე ლარი ამ 6 წელიწადში.
„თუ მკითხავთ, რაში დახარჯა ის ფული „ნაციონალური მოძრაობის“ ცხრა წლის მანძილზე მაშინდელმა ხელისუფლებამ, თქვენზე 12 მილიარდით ნაკლები, შემიძლია, ძალიან მარტივად გიპასუხოთ, რომ ფერფლიდან შეიქმნა ქართული სახელმწიფო, შეიქმნა სახელმწიფო სერვისების ინფრასტრუქტურა, გზები, აეროპორტები, განახლებული პოლიცია, ქართული ჯარი. იყო ეს საკმარისი? არ იყო საკმარისი, მეტი იყო გასაკეთებელი, მაგრამ ექვს წელიწადში ამდენი ფული, თქვენი დაბეჭდილი ფული არა, ქართველი ხალხის ჯიბიდან ამოღებული ფული რომ დახარჯეთ, მაინტერესებს, რა სიკეთე შექმენით ქართველი ხალხისთვის?
როდესაც გვეუბნებით სოციალურ დახმარებაში დახარჯულ ფონდებზე, მაინტერესებს, რატომ იზრდება მაშინ ქვეყანაში სიღარიბის მაჩვენებელი? სამუშაო ადგილების შექმნაში თუ იხარჯება ბიუჯეტი, მაშინ რატომ იზრდება ქვეყანაში უმუშევრობა? უფრო ჯანმრთელ საზოგადოებაში თუ ვცხოვრობთ, მაშინ რატომ იზრდება ქვეყანაში ონკოლოგიური დაავადებები და არ არის ეს მართალი, რომ ასე ხდება ყველგან, ეს ხდება ჩვენ სიკვდილით სავსე ქალაქში, რომელიც სიცოცხლით სავსე უნდა ყოფილიყო“, – განაცხადა დეპუტატმა და აღნიშნა, რომ საქართველოში გარემოს დაბინძურების დონე ერთ-ერთი ყველაზე უარესია.
მან განაცხადა, რომ „ნაციონალური მოძრაობა“ 2019 წლის ბიუჯეტის პროექტს მხარს არ დაუჭერს.