უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
საზოგადოება
„ქართველთა მარშმა“ აქცია გამართა
გუშინ, „ქართველთა მარშის“ ორგანიზატორებმა აქცია „ქართული ოცნების“ მერობის კანდიდატის , კახა კალაძის საარჩევნო შტაბთან გამართეს.
მანამდე აქციის მონაწილეები იმყოფებოდნენ ფონდ „ღია საზოგადოება საქართველოს“ შენობასთან და მოითხოვდნენ საქართველოში აღნიშნული ორგანიზაციის მუშაობის შეჩერებას. აქციის მონაწილეთა განცხადებით, აღნიშნული ორგანიზაცია ანტისახელმწიფოებრივია და აფინანსებს ისეთ პროექტებს, რომელიც ქვეყნის ინტერესების საზიანოა და ებრძვის ეროვნულობას.
რაც შეეხება კახა კალაძის შტაბს, აქ აქციის მონაწილეები აცხადებდნენ, რომ მმართველმა პარტიამ, მათ შორის თბილისის მერობის კანდიდატმა, უნდა დააფიქსიროს მკაფიო პოზიცია მიწის გასხვისების საკითხთან დაკავშირებით.
აქციის მონაწილეები 4 კაციანი დელეგაციის შესვლას ითხოვდნენ კახა კალაძის შტაბში, რამაც ადგილზე შეხლა–შემოხლა გამოიწვია, რადგან პოლიციამ მათ ამის საშუალება არ მისცა.
ამასთან, პოლიციამ აქციის ერთ–ერთი ორგანიზატორი ლადო სადღობელაშვილი დააკავა. როგორც შსს–ში განმარტეს სადღობელაშვილის დაკავება ადმინისტრაციულ სამართალდარღვევათა კოდექსით მოხდა.
ამის შემდეგ აქციამ რუსთაველის გამზირზე გადაინაცვლა, სადაც „ქართველთა მარშის“ წევრები უკვე ლადო სადღობელაშვილის გათავისუფლებას და მმართველი პარტიის ხელმძღვანელ პირებთან შეხვედრას ითხოვდნენ.
აქციის დასრულებამდე „ქართველთა მარშის“ ორგანიზატორებმა განაცხადეს, რომ უახლოეს პერიოდში შეიკრიბებიან და მიიღებენ გადაწყვეტილებას მომდევნო აქციის გამართვასთან დაკავშირებით.