უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
ქვეყნის გახსნა აზრს დაკარგავს თუ მას არ მოჰყვება ვაქცინაცია - ანა დოლიძე
„კარგია ქვეყნის გახსნა, თუმცა დაგვიანებული. დღეს გადადგმული ნაბიჯები არის პოლიტიკური აქტი პრემიერის მხრიდან, რათა განიმტკიცოს რეპუტაცია. ამ ფონზე უგუნურია კომენდანტის საათის ძალაში დატოვება და, მთავარი, ეს ყველაფერი აზრს დაკარგავს, თუ მას დროულად არ მოჰყვება ვაქცინაცია,“ - ასე შეაფასა მოძრაობა „ხალხისთვის“ ლიდერმა ანა დოლიძემ დღეს მთავრობის მიერ მიღებული გადაწყვეტილება გარკვეული შეზღუდვის მოხსნასთან დაკავშირებით.
„ჯერ კიდევ იანვრის შუა რიცხვებში დავიწყე კამპანია „ქვეყანა უნდა გაიხსნას“, რომელსაც მოჰყვა სერიოზული გამოხმაურება, პროტესტი და სხვადასხვა ღონისძიებები. თუმცა მთავრობამ ახლა მიიღო გადაწყვეტილება, რომ ქვეყანა 1 მარტიდან გაიხსნას. დამეთანხმებით, ეს გადაწყვეტილება კარგია, მაგრამ დაგვიანებული. არაერთხელ ვთქვით, აქამდეც შეიძლებოდა ყველაფრის ეტაპობრივად, ფრთხილად და გონივრული რეგულაციებით გახსნა - საბავშვო ბაღების, მთის კურორტების, უნივერსიტეტების, ტურიზმის სექტორის და ა.შ..
ახლა, ფაქტობრივად, გვეძლევა შესაძლებლობა, რომ ქვეყანა დაიქოქოს. მაგრამ კომენდანტის საათის ძალაში დატოვება ლოგიკას არ ექვემდებარება. ამას ერთადერთი ახსნა აქვს - ეს არის პოლიტიკური გადაწყვეტილება. კომენდანტის საათი ხელისუფლებას ამყოფებს პოლიტიკურ კომფორტში და რამდენადაც შეეძლება, ამ კომფორტს გაიხანგრძლივებს.
და ბოლის, უმნიშვნელოვანესი საკითხი - ეს არის ხელისუფლების პასუხისმგებლობა ვაქცინის შემოტანაზე. ქვეყანა იმიტომ ხომ არ გახსნეს, რომ ცოტა ხანში გამოგვიცხადონ, ვირუსი გავრცელდა და ისევ შემოიღონ შეზღუდვები? ასე არ გამოვა. ხელისუფლებამ ვაქცინა სასწრაფოდ უნდა შემოიტანოს, ამასთან უნდა დადოს რეალური და სამართლიანი გეგმა ვაქცინაციასთან დაკავშირებით. დასავლეთში უკვე არსებობს მთელი სისტემები ვაქცინაციის, პასპორტები და ა.შ. არსებობს ჯგუფები, რომლებიც იმოგზაურებენ, იმუშავებენ იმის მიხედვით, ვაქცინა გაკეთებული აქვთ თუ არა. ამ პირობებში ჩვენ ვართ მესამე მსოფლიოს შემადგენლობაში, რადგან ვაქცინაციას ვაგვიანებთ. ქვეყანა უნდა გაიხსნას და ვაქცინაცია უნდა დაიწყოს - ვფიქრობ, ეს უნდა იყოს დღესდღეობით ჩვენი მთავარი მოთხოვნა,“ - აცხადებს ანა დოლიძე.