უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
რეფორმის ერთადერთი მიზანია რომ დახმარება იმ დევნილებზე იყოს ორიენტირებული,ვისაც ყველაზე მეტად უჭირთ - სოზარ სუბარი
დევნილთა და განსახლების მინისტრის სოზარ სუბარის განცხადებით, დიდი ხანია რაც დევნილთა დახმარების რეფორმა დღის წესრიგში დგას.
როგორც მინისტრმა აღნიშნა, „ამ რეფორმას აქვს ერთადერთი მიზანი, რომ დევნილთა დახმარებები იყოს უფრო მიზანმიმართული და ორიენტირებული იმ ადამიანებზე,ვისაც რეალურად უჭირთ და ვისაც ყველაზე მეტად სჭირდებათ დახმარება და ამას არანაირი კავშირი არ აქვს დევნილის სტატუსთან.
„ჩვენს ოპონენტებს მინდა შევახსენო, რომ ეს პროექტი მათაც ქონდათ გეგმაში 2008 წელს და 2016 წლის საარჩევნო პროგრამაში. რეფორმაზე ჩვენ არასამთავრობო ორგანიზაციებთან ერთად დიდი ხანია ვმუშაობთ. ამ ეტაპზე, მიგვაჩნია, რომ საბოლოო ფორმაზე ჩამოვყალიბდით, თუმცა ეს არის ჩვენი ხედვა და ეს არ ნიშნავს, რომ საბოლოოდ რეფორმა ასეთი ფორმით იქნება მიღებული“, - განაცხადა სოზარ სუბარმა.
ამ ეტაპზე რეფორმის მოდელი დევნილთა საკითხებზე მომუშავე არასამთავრობო ორგანიზაციებს, საერთაშორისო ორგანიზაციებს, სახალხო დამცველის აპარატსა და აფხაზეთის მთავრობას გადაეცათ. მას შემდეგ, რაც მხარეები საბოლოო მოდელზე შეთანხმდებიან, პროექტი მთავრობასა და პარლამენტში გაიგზავნება.
„დღეს, დევნილებზე სახელმწიფო ბიუჯეტიდან 250 მილიონი ლარი იხარჯება. ჩვენ გვინდა, რომ ეს თანხა უფრო მეტად იყოს ორიენტირებული დევნილთა საჭიროებებზე. ყველა ის დევნილი, რომელსაც მიღებული არ აქვს ბინა და აქვს 100 ათას ქულაზე ნაკლები სოციალურ დახმარებასთან ერთად 45 ლარს მიიღებს, როგორც უბინაობის დახმარებას და არა როგორც სტატუსთან დაკავშირებულ დახმარებას. დევნილის სტატუსთან სოციალურ დახმარებას არ აქვს კავშირი, სტატუსი უნარჩუნდება ყველას. ხოლო, ყველა ის დევნილი, რომელმაც ბინა მიიღო, სოციალური დახმარების პაკეტით ისარგებლებს. სამაგიეროდ, ეს მოგვცემს შანსს, რომ დახმარება გაეზარდოთ სოციალურად დაუცველ დევნილებს და მინიმუმ გაორმაგდეს დევნილების ბინებით უზრუნველყოფის საკითხი. ეს არის 4 წლის განმავლობაში, მინიმუმ, დამატებით 10 ათასი საცხოვრებელი ბინა“, - განაცხადა დევნილთა და განსახლების მინისტრმა.
სოზარ სუბარის თქმით, მსოფლიო ბანკმა ჩაატარა კვლევა, რომლის ფარგლებშიც გამოკითხული დევნილების აბსოლუტურმა უმრავლესობამ ამ რეფორმას მხარი დაუჭირა.