უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
რეპრესიული ნარკოპოლიტიკის შენარჩუნების მიზნით პარლამენტში დეზინფორმაციას ავრცელებენ - ნარკოპოლიტიკის რეფორმაზე მომუშავე ჯგუფი
საქართველოს ნარკოპოლიტიკის რეფორმაზე მომუშავე ადამიანების განცხადებით, მათთვის დაუშვებელია საზოგადოების დეზინფორმირება და სხვა ქვეყნებში განხორციელებული რეფორმის დისკრედიტაცია, რაც მიზნად ისახავს საქართველოში მოქმედი რეპრესიული ნარკოპოლიტიკის გამართლებას და მისი შეცვლის აუცილებლობის ეჭვქვეშ დაყენებას.
,,2018 წლის 28 აპრილს პარლამენტში შედგა “ნარკოპოლიტიკის საკითხებზე მომუშავე” ჯგუფის შეხვედრა, სადაც მომხსენებელმა გიორგი კანდელაკმა წარადგინა პრეზენტაცია “ნარკოდეკრიმინალიზაცია - ლამაზი მითი და სავალალო რეალობა”. ამავე ავტორმა სოციალური ქსელის მეშვეობით გაავრცელა საკუთარი ანალიტიკური ნაშრომი “ნარკოდეკრიმინალიზაციის შედეგების ანალიზი პორტუგალიისა და ჩეხეთის მაგალითზე”. ორივე შემთხვევაში ავტორი ეყრდნობა ევროპის ნარკოტიკების და წამალდამოკიდებულების ცენტრის (EMCDDA) მონაცემებს და ცდილობს დაამტკიცოს თუ როგორი ნეგატიური შედეგები მოიტანა ნარკოპოლიტიკის რეფორმამ პორტუგალიის 2001 წლის და ჩეხეთის 2010 წლის დეკრიმინალიზაციის შემდგომ პერიოდში. ხაზგასმით აღვნიშნავთ იმას, რომ ავტორი უხეშად ახდენს მონაცემებით მანიპულირებას და საზოგადოებას აწვდის შერჩევითად, მონაცემთა მხოლოდ იმ ფრაგმენტებს, რომლებიც მის პოზიციას/შეხედულებას ასაბუთებს. ავტორი ასევე მიმართავს მონაცემთა ცალმხრივ და ტენდენციურ ინტერპრეტაციას, დინამიკის გათვალისწინების გარეშე.
სამედიცინო და საუნივერსიტეტო სფეროს წარმომადგენლის მხრიდან ამგვარი მანიპულატორული მიდგომა მიუღებლად მიგვაჩნია.
ბრიფინგზე წარდგენილი იქნება ის მონაცემი, რომელიც გიორგი კანდელაკმა გამიზნულად არ წარმოაჩინა. ხაზგასმით აღვნიშნავთ, რომ გამოყენებული გვაქვს მხოლოდ ის წყარო და ბაზა, რომელიც თავად კანდელაკმა გამოიყენა საკუთარი ანალიზის გასაკეთებლად“, - აცხადებენ ნარკოპოლიტიკის რეფორმაზე მომუშავე ჯგუფის წევრები:
თამარ სირბილაძე - ექიმი-ნარკოლოგი
ხათუნა თოდაძე - ექიმი-ნარკოლოგი, მედიცინის დოქტორი, პროფესორი
გვანცა ფირალიშვილი - ექიმი-ნარკოლოგი, მედიცინის დოქტორი
ზურაბ სიხარულიძე - ექიმი-ნარკოლოგი, მედიცინის დოქტორი, ასოცირებული პროფესორი დავით ვადაჭკორია - ექიმი-ნარკოლოგი, მედიცინის დოქტორი
დავით ოთიაშვილი - ექიმი-ნარკოლოგი, მეცნიერებათა დოქტორი.
ნარკოპოლიტიკის რეფორმაზე მომუშავე ნარკოლოგები და ექსპერტები დღეს, 11:00 საათზე, სასტუმრო „რედისონ ბლუ ივერიაში“ საგანგებო ბრიფინგს გამართავენ.