უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
როგორც ჩანს, გვაქვს საქმე პოლიტიკურ ინტრიგასთან და კონკრეტული ადამიანების მცდელობასთან, საგადასახადო დავალიანებას თავი აარიდონ - პრემიერი „ომეგაზე“
პრემიერ-მინისტრმა მამუკა ბახტაძემ მთავრობის სხდომამდე გამართულ ბრიფინგზე „ომეგა ჯგუფის“ ირგვლივ შექმნილ ვითარებაზე ისაუბრა. პრემიერის თქმით, კლანურ და არაფორმალურ მმართველობასთან დაკავშირებით არასამთავრობო სექტორის განცხადებები ობიექტურ საფუძველს არ ეფუძნება.
„რაც შეეხება მსგავს განცხადებებს, არსებობს ობიექტური კრიტერიუმები და არსებობს სხვადასხვა პოლიტიკური შეფასება, რომლებიც უმრავლეს შემთხვევაში, სამწუხაროდ, არის ძალიან სუბიექტური. დღესაც მქონდა საშუალება, თქვენთვის ობიექტური კრიტერიუმების საფუძველზე მომეწოდებინა ინფორმაცია, თუ საქართველოს რა პროგრესი აქვს, მათ შორის საერთაშორისო რეიტინგების თვალსაზრისით, პლიუს როგორ მნიშვნელოვან ინსტიტუციურ ნაბიჯებს დგამს საქართველო, მათ შორის ბიზნესისა და შესაბამისი სამართლებრივი გარემოს შექმნის თვალსაზრისით, რომელიც არის უპრეცედენტო. დღეს კონკრეტულად წარმოგიდგინეთ ინიციატივა, რომლის მიხედვით, საქართველოს ექნება საშუალება, გახდეს მეორე ქვეყანა ევროპაში, რომელიც თავისუფალ საერთაშორისო არბიტრაჟს შემოიყვანს ქვეყანაში და მას მისცემს უფლებას, კომერციული დავები განიხილოს. გისვამთ კითხვას, საქართველოს მთავრობას რომ მსგავსი მიდრეკილებები ჰქონდეს, ასეთ ნაბიჯს გადადგამდა? ეს რაც შეეხება მიდგომასა და ფილოსოფიას. თქვენ კითხვა დამისვით მიდგომასთან დაკავშირებით. ეს არის ძალიან კარგი მაგალითი, თუ ჩვენ როგორი მიდგომა გვაქვს და ამავე დროს, საერთაშორისო ინვესტორები, ისევე როგორც ძალიან მნიშვნელოვანი საერთაშორისო ინსტიტუტები როგორ აფასებენ ჩვენს რეფორმებს. ეკონომიკური თავისუფლების ინდექსში საქართველო არის მეშვიდე ადგილზე. დღეს ოფიციალურად მოგაწოდეთ ეს ინფორმაცია“, – განაცხადა ბახტაძემ.
მისივე განცხადებით, საქართველოში კანონზე მაღლა არავინ არ დგას, ხოლო გამოძიების ტემპები ტექნიკური ხასიათის საკითხია.
„რაც შეეხება ამ ჩანაწერსა და მასზე სამართლებრივ რეაგირებას. საქართველოში ხელშეუხებელი არავინ არ არის, კანონის უზენაესობა და ეს მთავარი ფილოსოფია გახლავთ ჩვენი ხელისუფლების უმნიშვნელოვანესი პრიორიტეტი, მასზე მაღლა არაფერი არ დგას. ჩვენი მმართველობის პერიოდში დავამტკიცეთ, რომ ეს ასეა. შესაბამისად, მიმდინარეობს გამოძიება. ბუნებრივია, გამოძიების ფარგლებში ყველა შესაბამისი პროცედურა უნდა ჩატარდეს, მათ შორის, ის ექსპერტიზა, რომელიც აღნიშნეთ. რატომ არ ვაჩქარებთ, ანუ ეს უნდა მოხდეს თუ არა 24 საათში და ასე შემდეგ, ბუნებრივია, ეს ტექნიკური ტიპის კითხვაა, რომელსაც ვისაც ცოდნა და ვალდებულება აქვს, გასცემს პასუხს, მაგრამ ფაქტობრივად, რამდენიმე დღეა, რაც ეს პროცესი მიმდინარეობს“, – აღნიშნა ბახტაძემ.
მისივე თქმით, ადამიანი, რომელსაც სურს, დაიცვას თავისი ბიზნესინტერესები, სხვაგვარად მოიქცეოდა.
„მინდა, ჩემი, როგორც რიგითი მოქალაქის შეფასება გავაკეთო ამ საკითხის. როდესაც კონკრეტულ მეწარმეს ან საწარმოს აქვს პრობლემა და თუ მას აქვს რეალური საფუძველი იმისა, რომ ისაუბროს მასზე ზეწოლაზე, რა საჭიროა ამ ყველაფრისთვის პროცესის სახის მიცემა, როდესაც ყოველდღე სამხრეთ ამერიკული სერიალივით, ამ შემთხვევაში ძალიან უნიჭო პროცესს უყურებთ. ჩემი აზრით, ადამიანი, რომელსაც სურს, დაიცვას თავისი ბიზნესინტერესები, მოიქცეოდა ძალიან მარტივად, ის თავის ხელთ არსებულ ყველა ინფორმაციას შეკრებდა და თავისი ადვოკატის მეშვეობით გააცნობდა როგორც საგამოძიებო ორგანოებს, ისე სამოქალაქო საზოგადოებას, რომ დაეცვა თავისი ინტერესი. სამწუხაროდ, ამ შემთხვევაში, ეს არის ჩემი მოქალაქეობრივი შეფასება, როგორც ჩანს, ჩვენ გვაქვს საქმე პოლიტიკურ ინტრიგასთან და გვაქვს საქმე იმასთან, რომ კონკრეტული ადამიანები ცდილობენ, საგადასახადო დავალიანებას თავი აარიდონ და შემოიტანონ დისკუსიაში ასეთი არასერიოზული განცხადებები და საკითხები. მიმდინარეობს გამოძიება, რომლის ფარგლებში ყველას ექნება საშუალება, დაამტკიცოს სიმართლე და რა თქმა უნდა, სამოქალაქო საზოგადოებას უნდა ჰქონდეს სრული წვდომა ამ ინფორმაციაზე, როგორ მიმდინარეობს გამოძიება და დარწმუნებული ვარ, შესაბამისი ორგანოები ამ ტრანსპარენტულობას და გამჭვირვალობას უზრუნველყოფენ“, – განაცხადა პრემიერმა.