პოლიტიკა

როგორც კი დასრულდება მთავრობის ფორმირება, განახლდება კონსულტაციები საპრეზიდენტო კანდიდატთან დაკავშირებით - ირაკლი კობახიძე

ჯერჯერობით კონკრეტული საპრეზიდენტო კანდიდატი გამოკვეთილი არ არის, - განუცხადა ჟურნალისტებს პარლამენტის თავმჯდომარემ, ირაკლი კობახიძემ.

ჟურნალისტები დაინტერესდნენ, არის თუ არა საუბარი მაია ცქიტიშვილის კანდიდატურაზე.

კობახიძის თქმით, მთავრობის ფორმირების დასრულდების შემდეგ მმართველი გუნდი საპრეზიდენტო კანდიდატურასთან დაკავშირებით იმსჯელებს.

"ჯერჯერობით დაკავებული ვართ მთავრობის ფორმირებით და როგორც კი დასრულდება მთავრობის ფორმირება, ალბათ განახლდება კონსულტაციები საპრეზიდენტო კანდიდატთან დაკავშირებით.

ჯერჯერობით, არ არის გამოკვეთილი კონკრეტული კანდიდატი. კიდევ ერთხელ გავიმეორებ, მთავრობის ფორმირება დასრულდება და ამის შემდეგ განვაახლებთ კონსულტაციებს საპრეზიდენტო კანდიდატურასთან დაკავშირებით",- განაცხადა კობახიძემ.

ნინო ექვთიმიშვილი