უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
საზოგადოება
როგორც მითხრეს, ცხვირსა და შუბლზე არსებული დაზიანებები არ იყო მიყენებული სიცოცხლის დროს - არჩილ ტატუნაშვილის მამა
არჩილ ტატუნაშვილის მამამ, გიორგი ტატუნაშვილმა თავისი შვილის საქმეზე მიმდინარე გამოძიების ობიექტურობაში დარწმუნებულია. ლევან სამხარაულის სახელობის სასამართლო ექსპერტიზის ეროვნული ბიუროს წარმომადგენლებთან შეხვედრის დასრულების შემდეგ გიორგი ტატუნაშვილმა განაცხადა, რომ არჩილ ტატუნაშვილისთვის ცხვირსა და შუბლზე მიყენებული დაზიანებები სიცოცხლისდროინდელი არ აღმოჩნდა.
„მაინტერესებდა ცხვირსა და შუბლზე რა დაზიანებებიც იყო, ის რატომ არ იყო ჩაწერილი დასკვნაში. როგორც მითხრეს, ეს დაზიანებები არ იყო მიყენებული სიცოცხლის დროს. როგორც მითხრეს გადაკვალიფიცირდა საქმე წამების მუხლით. შსს თავიდან როგორც დამპირდა, რომ გვერდში დამიდგებოდა, ყველანაირად მიდგას გვერდში. გამოძიების ობიექტურობაში, რაც მთავარია, ეჭვი არ მეპარება", - განაცხადა არჩილ ტატუნაშვილის მამამ.
გიორგი ტატუნაშვილი სამხარაულის ექსპერტიზის ეროვნული ბიუროს წარმომადგენლებს შვილის ცხედარზე ჩატარებული სამედიცინო დასკვნის შესახებ ესაუბრა.
შეხვედრას შსს-ის გენინსპექციის უფროსი ალექსანდრე ხოჯევანიშვილიც ესწრებოდა.
გიორგი ტატუნაშვილს კითხვები ჰქონდა დასკვნასთან დაკავშირებით, კერძოდ, რატომ არ იყო საუბარი შუბლზე არსებულ ნაჭდევზე, ან რატომ არ იყო მითითებული დაღუპვის მიზეზი.
ლევან სამხარაულის სახელობის სასამართლო ექსპერტიზის ეროვნული ბიუროს დასკვნიდან, რომელიც ოჯახს 4 დღის წინ გადაეცა, არ დგინდება არჩილ ტატუნაშვილის დაღუპვის მიზეზი. ოჯახის ადვოკატმა, თამარ ავალიანმა განაცხადა, რომ დასკვნის თანახმად, ტატუნაშვილს 100-მდე დაზიანება ჰქონდა მიყენებული.
არჩილ ტატუნაშვილი კიდევ 2 საქართველოს მოქალაქესთან ერთად საოკუპაციო ძალებმა 22 თებერვალს გაიტაცეს. მომდევნო დღეს გავრცელდა ინფორმაცია ტატუნაშვილის დაღუპვის შესახებ. თბილისის მოთხოვნის მიუხედავად, სეპარატისტებმა ტატუნაშვილის ცხედარი თითქმის ერტი თვის შემდეგ, 20 მარტს გადასცეს.