უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
როცა რაღაცის გულით გჯერა და შრომა არ გეზარება, ყველაფერი შესაძლებელია - კახა კალაძე
როცა რაღაცის გულით გჯერა და შრომა არ გეზარება, ყველაფერი შესაძლებელია, - განაცხადა ენერგეტიკის მინისტრმა კახა კალაძემ 5-წლიანი საქმიანობის ანგარიშის წარდგენისას.
უკვე ყოფილმა ენერგეტიკის მინისტრმა მისი საფეხბურთო და პოლიტიკური კარიერის მნიშვნელოვანი ეპიზოდები გაიხსენა.
„როდესაც ენერგეტიკის მინისტრად წარმადგინეს, ძალიან ბევრი ადამიანი სკეპტიკურად უყურებდა ამ გადაწყვეტილებას. მე არ მეთაკილება ამაზე საუბარი და ღიად ვამბობ, დავიწყე ბევრი მუშაობა საკუთარ თავზე, საკუთარ გუნდთან ერთად და შევძელით ის, რაც შევძელით. მინდა მადლობა გადავუხადო ჩემს თითოეულ თანამშრომელს.
მეორე ძალიან მნიშვნელოვანი მომენტი იყო 2011 წელი, როდესაც მე მივიღე გადაწყვეტილება, პოლიტიკაში შემოვსულიყავი. რა თქმა უნდა, არავის სჯეროდა, რომ ჩვენ შევძლებდით სააკაშვილის ძალადობრივი რეჟიმის დამარცხებას არჩევნების გზით. მაშინ ბატონი ბიძინას ირგვლივ გაერთიანდა მთელი საქართველო და ჩვენ ეს მოვახერხეთ. მინდა ასევე გავიხსენო ჩემთვის სენსიტიური მომენტი, როდესაც პატარა ბიჭი ვიყავი და მინდოდა გამოვსულიყავი მაგარი ფეხბურთელი და მეთამაშა მაგარ გუნდში. ერთ დღეს მითხრეს, რომ ჩემგან არაფერი გამოვიდოდა, მითხრეს წავსულიყავი სახლში. ეს სიტყვები ძალიან მძიმე იყო, ატირებული, ცრემლიანი დავბრუნდი სახლში, თუმცა თავი არ დამიხრია და მინდა გითხრათ, რომ როცა რაღაცის გულით გჯერა და შრომა არ გეზარება, ყველაფერი შესაძლებელია. ის, რაც ჩვენ გავაკეთეთ ენერგეტიკის დარგში, არის იმ დაუღალავი შრომის და ერთობის შედეგი, რაც ამ წლების განმავლობაში იყო ენერგეტიკის დარგში“, - განაცხადა კახა კალაძემ.
მერობის კანდიდატმა მადლობა გადაუხადა პრემიერ-მინისტრს თანადგომისთვის.
„მე მინდა ძალიან დიდი მადლობა გადავუხადო პრემიერ-მინისტრ გიორგი კვირკაშვილს, რადგან მან ძალიან კარგად იცის, რამდენად რთული იყო, რა სიძნელეები იყო. ყოველთვის იყო პრობლემები, ყოველთვის იყვნენ მოწინააღმდეგეები, ვინც ეწინააღმდეგებოდნენ ენერგეტიკული პროექტების განხორციელებას, თუმცა ჩვენ ერთად დგომით, ერთსულოვნებით გადავტეხეთ ეს ყველაფერი და შედეგები სახეზეა“, - აღნიშნა კალაძემ.
ნინო ექვთიმიშვილი