მსოფლიო
რუსეთი აშშ-სთან ყირიმის დაბრუნების საკითხს არ განიხილავს -დიმიტრი პესკოვი
რუსეთის პრეზიდენტის პრეს-მდივნის დიმიტრი პესკოვის განცხადბეით, რუსეთი ყირიმის დაბრუნების საკითხის განხილვას ამერიკასთან არ აპირებს.
ამის შესახებ პესკოვმა ჟურნალისტებს ყოველდღიურ ბრიფინგზე განუცხადა.
„ეს თემა არც განიხილება, შესაბამისად, ის განხილული ვერც იქნება. რუსეთი უცხოელ პარტნიორებთან არ განიხილავს საკითხებს, რომელიც მის ტერიტორიებს შეეხება“,-განაცხადა პესკოვმა.
გარდა ამისა, ჟურნალისტებმა კოლეგას კითხეს, წამოწია თუ არა ტრამპმა ყირიმის საკითხი ვლადიმირ პუტინთან გამართული სატელეფონო საუბრის დროს, რაზეც დიმიტრი პესკოვმა უპასუხა, რომ მას ეს საკითხი „არ წამოუწევია“.
მისი თქმით, კრემლში იმედოვნებენ, რომ ყირიმთან დაკავშირებით საკუთარ პოზიციას დონალდ ტრამპამდე მიიტანენ.
„იმედს გამოვთქვამთ, რომ ყველა კონტაქტი დალაგდება და ჩვენ მოგვეცემა შესაძლებლობა საქმიანად, მშვიდად და კონსტრუქციულად მივიტანოთ ჩვენი არგუმენტაცია უცხოელ პარტნიორებამდე“,-განმარტა პესკოვმა.
14 თებერვალს გამართული პრესკონეფერენციის დროს, თეთრი სახლის პრეს-მდივანმა შონ სპაისერმა განაცხადა, რომ დონალდ ტრამპი რუსეთისგან ყირიმის დაბრუნებას ელოდება.
მონიკა დავლიანიძე