უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
რუსეთი საქართველოსთან ურთიერთობის ნორმალიზებით არის დაინტერესებული - ვლადიმირ პუტინის ახალი კონცეფცია
რუსეთის პრეზიდენტმა ვლადიმირ პუტინმა ქვეყნის საგარეო პოლიტიკის ახალი სტრატეგია დაამტკიცა.
როგორც დოკუმენტშია აღნიშნული, მნიშვნელოვანია „რუსეთის პოზიციების განმტკიცება მსოფლიო სამეურნეო კავშირების გამყარების სისტემაში; რუსული საქონლის, მომსახურებისა და ინვესტიციების დისკრიმინაციის დაუშვებლობა“, ასევე „მსოფლიოს მშვიდობის კურსის გაძლიერება; საყოველთაო უსაფრთხოების და სტაბილურობის უზრუნველყოფა“; მეზობელ ქვეყნებთან კეთილმეზობლური ურთიერთობის ჩამოყალიბება და დაძაბულობის კერების აღმოფხვრის ხელშეწყობა.
რუსული მედია აღნიშნავს, რომ ისევე როგორც სამი წლის წინ, ახალ კონცეფციაში პრიორიტეტულად არის წარმოჩენილი დსთ-სა და ევროკავშირის ქვეყნებთან თანამშრომლობის მნიშვნელობა.
ახალ კონცეფციაში დსთ-ს ქვეყნებიდან ცალკე ნახსენებია უკრაინა, მოლდოვა და საქართველო.
„რუსეთი ყველა საჭირო ძალისხმევას მიმართავს, რომ უკრაინის შიდა კონფლიქტის დარეგულირება მოხდეს“,-ნათქვამია დოკუმენტში.
დოკუმენტში ასევე დაფიქსირებულია, რომ რუსეთი საქართველოსთან ურთიერთობის ნორმალიზებით არის დაინტერესებული ისეთ სფეროებში, სადაც თავად საქართველოა მზად.
ამასთან, რუსეთი გააგრძელებს „აფხაზეთისა და სამხრეთ ოსეთის, თანამედროვე დემოკრატიული სახელმწიფოდ ჩამოყალიბებაში ხელის შეწყობას“.
რაც შეეხება მოლდოვას, მოსკოვი მხარს უჭერს მის ტერიტორიულ მთლიანობას, თუმცა ხაზს უსვამს, დნესტისპირეთის სტატუსის განსაზღვრის მნიშვნელობას, - აღნიშნულია დოკუმენტში.
ევროკავშირის ქვეყნებიდან რუსეთის პარტნიორებად, ახალ დოკუმენტში, დასახელებულია გერმანია, იტალია და ესპანეთი.
რუსული მედია აღნიშნავს, რომ 2013 წლის კონცეფციაში იყო დაფიქსირებული ბრიტანეთთან კავშირების გაღრმავების მზაობა, თუმცა წელს ბრიტანეთი ნახსენები არ ყოფილა.
მონიკა დავლიანიძე