საზოგადოება

რუსეთს ქართული ეკლესიის დაპატრონება სურს - რამაზ საყვარელიძე

ანალიტიკოსი რამაზ საყვარელიძე მიიჩნევს, რომ გამორიცხული არ არის, რომ საპატრიარქოს ირგვლივ მიმდინარე მოვლენებში რუსეთი ხედავდეს საკუთარ ინტერესებს, მეტიც, მისი აზრით, შესაძლებელია, რომ რუსეთს ქართული ეკლესიის დაპატრონება სურდეს.

გარდა ამისა, ანალიტიკოსმა პრესკონფერენციაზე, ნაციონალური მოძრაობის ინტერესებსაც ხედავს, რადგან მისი თქმით, ნაციონალური მოძრაობის მიდრეკილება ჰქონდა, რომ ყოფილიყო კრიტიკული როგორც ქართული ღირებულებების, ისე ეკლესიის მიმართ, რაც მისი აზრით, თავის მხრივ, რუსეთის ინტერსშიც შედიოდა.

„ნაციონალოურ მოძრაობას ხშირად ჰქონდა მიდრეკილება, მისი წარომადგენლები ხშირად იყვნენ კრიტიკულები ქართული ღირებულებების და მათ შორის ეკლესიის მიმართ. გასაკვირი არ არის, რომ ეკლესიის დაპატრონება ვინმეს უნდოდეს. ნუ გაგვიკვირდება ისიც, რომ ეს ინტერესი მიდიოდეს უცხოეთიდან, ოღონდ არა ევროპიდან, მაგალითად რუსეთიდან, რადგან ბოლო ხანებში პატრიარქის გადადგმული ნაბიჯები რუსულ პოლიტიკას ჰარმონიულად არ ერწყმის, ისე როგორც რუსეთს სურს. პატრიარქის შემცვლელზე ზრუნვა გამორიცხული არ არის, რომ ამ ხერხებით მიდიოდეს. მე ამ ვერსიას ვამბობ როგორც არა ალტერნატიულ ვერსიას. იმიტომ რომ ჩემთვის ნაციონალების პოლიტიკა ძალიან ხშირად რუსული პოლიტიკის გაგრძელებაა საქართველოში“,-აღნიშნა საყვარელიძემ.

მონიკა დავლიანიძე