საზოგადოება

რუსთავი 2 იქნება არა ერთი პარტიის ტელევიზია, არამედ მთელი საქართველოს ტელევიზია - ქიბარ ხალვაში

ის შეიცვლება, რომ ის იქნება არა ერთი პარტიის ტელევიზია, არამედ მთელი საქართველოს ტელევიზია და იქნება კრიტიკული, არ იქნება პარტიული, - განაცხადა ტელეკომპანია ,,იმედთან’’ საუბარში ბიზნესმენმა ქიბარ ხალვაშმა, რუსთავი 2-ში მოსალოდნელ ცვლილებებზე საუბრისას.

რაც შეეხება, პროტესტს, რომელიც, უზენაესი სასდამართლოს გუშინდელ გადაწვეტილებას მოყვა, ხალვაშის განცხადებით, ,,ეს ყველაფერი არის ინსპირირებული სააკაშვილის მიერ და ეს ხალხი ბარიკადებზე მხოლოდ და მხოლოდ სააკაშვილის ინტერესების დასაცავად დგას.’’

,,გვარამიას არ განვიხილავ ისეთ პიროვნებად, რომლის შეთავაზებასაც აზრი აქვს. გამოცდილი მაქვს სააკაშვილებთან და გვარამიებთან ურთიერთობები. შეუძლებელია, მათ რამეზე მოელაპარაკო. შესაძლებელი რომ ყოფილიყო, ქვეყანა ამ დღეში არ იქნებოდა. არ იქნებოდა დასაბრუნებელი წაგლეჯილი ქონება. გამოცდილი მაქვს, ნებისმიერ შემთხვევაში, მაინც მოტყუებით დამთავრდება", - ამბობს ხალვაში.

ბიზნესმენმა იმ ინფორმაციაზეც გააკეთა განმარტება, რომელიც ტელეკომპანიის შესაძლო გასხვისებას უკავშირდება.

,,მე არ მითქვამს, რომ მაგას ვყიდი მეთქი. მე არ ვაპირებ უახლოეს მომავალში და ვთქვი, ვერ შეგვპირდებით, რომ მთელი ცხოვრება რუსთავი 2-ის მფლობელი ვიქნები-მეთქი, იმიტომ, რომ ჯერ უნდა შევაფასო და თუ ბიზნესი მომგებიანი და წარმატებული იქნება, იქნება, თუ არადა უკეთესად ვინც გააკეთებს, იმ ადამიანს მივყიდი და იქნება. ეს ჩვეულებრივი კომერციააა’’, - განაცხადა ხალვაშმა.

შეგახსენებთ, რომ გუშინდელი გადაწყვეტილებით უზენაესი სასამართლოს დიდმა პალატამ რუსთავი 2 ქიბარ ხალვაშს მიაკუთვნა.

ნინო ექვთიმიშვილი