საზოგადოება

რუსთავში ქვეითად მოსიარულეს ავტომობილი დაეჯახა

რუსთავში, ქვემო ქართლის სამხარეო ადმინისტრაციის მიმდებარე ტერიტორიაზე ავტოსაგზაო შემთხვევა მოხდა.

როგორც თვითმხილველის ყვებიან, „ვაზ 21-07“-ის მძღოლმა საჭე ვერ დაიმორჩილა, თავდაპირველად ქვეითად მოსიარულეს დაეჯახა, შემდეგ მოცურდა და კლდიაშვილის ქუჩის კუთხეში მდგარ „ოპელის“ მარკის ავტომობილს შეეჯახა.

შემთხვევის შედეგად ახალგაზრდა კაცი დაშავდა, რომელიც სასწრაფო დახმარების ბრიგადამ საავადმყოფოში გადაიყვანა. მცირე დაზიანება მიიღო თავად „ვაზ 21-07“-ის მძღოლმაც.