უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
კომენტარი
სააკაშვილი ნამდვილად ნიჭიერია. მან იცის, როგორ გამოიყენოს სიტუცია სათავისოდ - ნინო ბურჯანაძე
„დემოკრატიული მოძრაობის“ ლიდერის, ნინო ბურჯანაძის თქმით, საქართველოს ექს-პრეზიდენტი ნიჭიერი ადამიანია და მან ზუსტად იცის, ამ შემთხვევაში უკრაინაში სათავისოდ ვითარება როგორ გამოიყენოს.
როგორც ბურჯანაძემ “Россия1”-ს გადაცემა „60 Минут“-ის ეთერში განაცხადა.
მისი თქმით, უკრაინაში სააკაშვილს ზურგს ამერიკის სპეცსამსახურები უმაგრებენ, წინააღმდეგ შემთხვევაში, ის ვერც პოლონეთი-უკრაინის საზღვარს გადაკვეთდა.
პოლიტიკოსის აზრით, ამერიკის სპეცსამსახურები უკრაინაში ცდილობენ რუსეთისგან მტრის ხატის შექმნას, რასაც ხელს სააკაშვილი უწყობს.
„სააკაშვილი ნამდვილად ნიჭიერია. მან იცის, როგორ გამოიყენოს სიტუცია სათავისოდ. რა თქმა უნდა, ის ავანტიურისტია და ეს ცალსახაა. რასაც ის უკრაინაში აკეთებს, არანაირად არ გამოადგება უკრაინას. მე ვშიშობ, რომ, სამწუხაროდ, უახლოეს ათწლეულებში უკრაინა ვერ მოაგვარებს იმ პრობლემებს, რომლებიც მისი ხელმძღვანელობის აბსოლუტურად არასწორი ნაბიჯების გამო შეიქმნა. აქ შიდა პრობლემებია, რუსეთთან შექმნილი პრობლემები და სხვა.
რაც შეეხება სააკაშვილს, რამდენად შორს წავა ის? იცით, სინამდვილეში ის „მამაცი“ ადამიანი არ არის. ზურგს უკან ის ძლიერ მხარადჭერას რომ არ გრძნობდეს, ნაბიჯსაც არ გადადგამდა. მახსოვს, ვიხუმრე ერთხელ, შესაძლოა თქვენს გადაცემაშიც, როდესაც ის უკრაინის საზღავრს გადიოდა, მის ზურგს უკან „ცრუ“-ს შენობას ვხედავდი. მის ზურგს უკან დგანან ამერიკის სპეცსამსახურები, რომლებსაც არ სურთ, რომ უკრაინაში ვითარება დასტაბილურდეს, რომლებსაც არ სურთ, რომ რუსეთმა და უკრაინამ საერთო ენა გამონახონ, რომლებსაც სურთ, რომ უკრაინაში არა პროუკრაინული, არამედ მკვეთრად პროამერიკული ხელისუფლება იყოს. მათ სურთ, რომ უკრაინაში რუსეთისგან ნეგატიური ხატი შეიქმნან, რასაც აკეთებს სააკაშვილი.
მას დემოკრატიის შუქურას უწოდებდნენ, მაგრამ ჩვენ ვიცოდით, რომ საქართველოში ფეხქვეშ იყო გათელილი ყველა ევროპული და დასავლური ღირებულება - ყველაფერი, რაც ადამიანის უფლებებსა და ელემენტარულ დემოკრატიულ ნორმებს ეხება“,-აღნიშნა ბურჯანაძემ.
მონიკა დავლიანიძე