მსოფლიო

საბერძნეთში მთავრობის მიერ ინიცირებულ კანონპროექტს 24-საათიანი გაფიცვა მოჰყვა

საბერძნეთში 24-საათიანი გაფიცვა მიმდინარეობს. პარალიზებულია სატრანსპორტო სექტორი, ასევე შეჩერებულია პორტების, რკინიგზის, მეტროსა და საზოგადობრივი ტრანსპორტის მუშაობა.

გაფიცვაში ჩაერთო ექიმთა პროფკავშირებიც. ექიმები უარს აცხადებენ კლინიკაში პაციენტთა მიღებაზე, დახმარებას ეწევა მხოლოდ გადაუდებელი საჭიროების მქონე ხალხს.

დემონსტრანტები აპროტესტებენ საბერძნეთის პრემიერ-მინისტრის, ალექსის ციპრასის მთავრობის მიერ ინიცირებულ კანონპროექტს, რომელიც უზღუდავს პროფკავშირებს გაფიცვის უფლებას. მის ჩასატარებლად პროფკავშირებს დასჭირდებათ თავისი დარეგისტრირებული წევრების არანაკლებ 50%-ის მხარდაჭერა. მოქმედი კანონმდებლობით, საკმარისი 1/3-ის თანხმობა.

კანონპროექტი ითვალისწინებს საბიუჯეტო სახსრების შემცირებას. აქციის მონაწილეთა თქმით, საპენსიო და საგადასახადო რეფორმები, რომლებიც საბერძნეთის საერთაშორისო კრედიტორების მორიგი ტრანშის სანაცლოდ უნდა დამტკიცდეს, მათ მძიმე ტვირთად დააწვება.