საზოგადოება

სადაც არის ერი და გაჭირვება, იქ უნდა იდგეს ეკლესია თავისი ღირსებით - მეუფე ვახტანგი ზაზა სარალიძეს შეხვდა

ხორავას ქუჩაზე მოკლული დავით სარალიძის მამასთან, ზაზა სარალიძესთან ცურტაველი მიტროპოლიტი, მეუფე ვახტანგი მივიდა. სასულიერო პირი სარალიძეს რუსთაველის გამზირზე გაშლილ კარავში ესტუმრა. შეხვედრა 1 საათზე მეტხანს გაგრძელდა.

„ვისაუბრეთ, ვანუგეშე. არ გვაქვს ამის უფლება?! სადაც არის ერი და გაჭირვება, იქ უნდა იდგეს ეკლესია თავისი ღირსებით“, – განუცხადა მეუფე ვახტანგმა ჟურნალისტებს შეხვედრის დასრულების შემდეგ.

16:00 საათზე ზაზა სარალიძე საპატრიარქოში შეხვდება სრულიად საქართველოს კათოლიკოს პატრიარქ ილია მეორეს.

გუშინ თბილისის პარლამენტთან ზაზა სალარიძის სოლიდარობის აქცია #ნუმომკლავ ჩატარდა, სადაც ათასობით ადამიანი შეიკრიბა.

აქცია დღეს 18 საათზე განახლდება.