უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
საგამოძიებო სტრუქტურები უნდა დაინტერესდნენ ზუგდიდის მე-6 საჯარო სკოლის დირექტორის საქმით - მიხეილ ბენიძე
არასამთავრობო ორგანიზაცია „სამართლიანი არჩევნებისა და დემოკრატიის საერთაშორისო საზოგადოების“ აღმასრულებელი დირექტორის, მიხეილ ბენიძის განცხადებით, სამართალდამცავი ორგანოები უნდა დაინტერესდნენ ზუგდიდის მე-6 საჯარო სკოლის დირექტორზე სავარაუდოდ, განხორციელებული პოლიტიკური ზეწოლით.
მისივე თქმით, იმ შემთხვევაში, თუ კანონდარღვევა დადასტურდება, საქმე მათ მიერ მომზადებულ არჩევნების შემაჯამებელ ანგარიშში მოხვდება.
„შესაბამისი საგამოძიებო სტრუქტურები უნდა დაინტერესდნენ, ისევე როგორც სხვა ზეწოლა-მუქარის ფაქტზე. იმ შემთხვევაში, თუ დადასტურდება კავშირი, პოლიტიკური მოტივაცია და სავარაუდო ზეწოლა, ბუნებრივია, ეს არის სერიოზული პრობლემა და სერიოზული წინასაარჩევნო დარღვევა. თუ ინფორმაცია გადამოწმდება და დადასტურდება, სავარაუდოდ, ამ ფაქტზე ჩვენს შემაჯამებელ ანგარიშშიც იქნება საუბარი“, -თქვა ბენიძემ.
ცნობისთვის, რამდენიმე დღის წინ კერზაიამ პოლიტიკურ ანგარიშსწორებაზე ისაუბრა. კერძოდ, მან უარი თქვა პედაგოგების საარჩევნო პროცესში ჩართვაზე. მისივე ნაამბობიდან ირკვევა, რომ ამის შემდეგ მას ანონიმური წერილის საფუძველზე გენერალურმა ინსპექციამ თბილისიდან ზუგდიდში ორი თანამშრომელი გაგზავნა და მეექვსე სკოლის შემოწმება დაავალა.
26 ნოემბერს ია კერზაიას შვილმა, ბაჩანა შენგელიამ ფეისბუკზე პოსტი გამოაქვეყნა, რომელშიც მან სკოლაში ინსპექტორების შესვლას პოლიტიკურ ანგარიშსწორებად შეაფასა. მისი თქმით, განათლების სამინისტროს ინსპექტირების სამსახურის ორი თანამშრომელი ერთი კვირის განმავლობაში შემოწმების მაგივრად „ჩვეულებრივ რეპრესიას“ ახორციელებდა. შენგელიას განცხადებით, ამ დროის განმავლობაში პარალიზებული იყო სასწავლო პროცესი, მიმდინარეობდა პედაგოგებისა და სკოლაში დასაქმებული თანამშრომლების დაკითხვა.
მისივე თქმით, ეს ყველაფერი იმიტომ ხდებოდა, რომ დედამისი მიუხედავად არაერთი „შეთავაზებისა“, არ გახდა „ქართული ოცნების“ აქტივისტი და არჩევნების წინ არ გადასცა მათ ე.წ. მომხრეების სია.