საზოგადოება

საგანგებო სიტუაციების მართვის სამსახური იმ ობიექტების შესახებ ინფორმაციის გაასაჯაროვებს,სადაც სახანძრო უსაფრთხოების წესები არ იქნება დაცული

საგანგებო სიტუაციების მართვის სამსახური იმ ობიექტების შესახებ ინფორმაციის გაასაჯაროვებს,სადაც სახანძრო უსაფრთხოების წესები არ იქნება დაცული. ამ სიახლის შესახებ უწყებამ საგანგებო განცხადება გაავრცელა.

უწყების განცხადებით, სტატისტიკით დგინდება, რომ ხანძრებისა და ხანძრებით გამოწვეული ზიანისა და ზარალის რაოდენობა ყოველწლიურად იზრდება, შესაბამისად პრინციპულად მნიშვნელოვანია ყველა შენობაში დაცული იყოს სახანძრო უსაფრთხოების წესები და საზოგადოებას ქონდეს ინფორმაცია სად არ არის დაცული სახანძრო უსაფრთხოების წესები.

„საგანგებო სიტუაციების მართვის სამსახურის ზედამხედველობის სამმართველო პერმანენტულად ამოწმებს ქვეყნის მასშტაბით არსებულ შენობა-ნაგებობებს, რათა მოხდეს სახანძრო უსაფრთხოების კუთხით ვითარების შესწავლა. მოწმდება, როგორც სახელმწიფო, ისე კერძო საკუთრებაში არსებული ობიექტები. განსაკუთრებულ ყურადღებას იქცევს საზოგადოებრივი თავშეყრის ადგილები და საგანმანათლებლო დაწესებულებები.

გასულ წელს, სამმართველოს მიერ, ქვეყნის მასშტაბით 6 000-მდე შენობა-ნაგებობა შემოწმდა, 200-მდე ობიექტი დაჯარიმდა, ათასობით შენობის მეპატრონეებზე გაიცა შესაბამისი რეკომენდაციები.

გარდა ამისა, უწყება უახლოეს მომავალში აპირებს წარმოადგინოს საკანონმდებლო ცვლილებების პაკეტი, რომელიც უსაფრთხოების წესების დარღვევისთვის სანქციების გამკაცრებას მოითხოვს.

ცირა გურგენიძე