პოლიტიკა

სახელმწიფო საკონსტიტუციო კომისიის დატოვებასთან დაკავშირებით პრეზიდენტთან კონსულტაციებს „დემოკრატულ მოძრაობაში’’ არ ადასტურებენ

სახელმწიფო საკონსტიტუციო კომისიის დატოვებასთან დაკავშირებით პრეზიდენტს „დემოკრატულ მოძრაობასთან“ კონსულტაციები არ გაუმართავს.

შესაბამისი განცხადება საკონსტიტუციო კომისიის სხდომის დაწყებამდე პარტიის წევრმა, დიმიტრი ლორთქიფანიძემ გააკეთა.

„დემოკრატიული მოძრაობის“ წევრი მსგავს კონსულტაციებს გამორიცხავს და გიორგი მარგველაშვილს იმ ფაქტის გამო აკრიტიკებს, რომ პრეზიდენტის ადმინისტრაციამ კომისიის მუშაობაში არც ერთი წარმომადგენელი არ ჩართო.

ლორთქიფანიძე ამბობს, რომ პრეზიდენტი მხოლოდ საკუთარი პოლიტიკური წონის ზრდაზე ფიქრობს.

შეგახსენებთ, რომ პარლამენტის თავმჯდომარის, ირაკლი კობახიძის ინფორმაციით, პრეზიდენტის ადმინისტრაცია ცალკეულ არასამთავრობო ორგანიზაციებთან და პარტიებთან კონსულტაციებს მართავს, რათა მათ საკონსტიტუციო კომისია დატოვონ.

ნინო ექვთიმიშვილი