უკან

უახლესი ამბები

დღის კალენდარი

ანონსები

არქივი

პოლიტიკა

24 ოქტომბერი, 2018 14:45
font-size

სახელმწიფო თანამდებობის პირების დამოკიდებულება არასამთავრობოების მიმართ საფრთხეს უქმნის საქართველოში დემოკრატიული განვითარების პროცესს - სახალხო დამცველი

სახალხო დამცველი ბოლო დროს სახელმწიფო თანამდებობის პირების მიერ არასამთავრობო ორგანიზაციების მისამართით გაკეთებულ განცხადებებს გამოეხმაურა. მისი აზრით, შეტევა მესამე სექტორზე საქართველოში დემოკრატიული განვითარების პროცესს საფრთხეს უქმნის.

სახალხო დამცველმა მოუწოდა მმართველი გუნდის წევრებს, დაიცვან საერთაშორისო ვალდებულებები, რომლებიც გულისხმობს არასამთავრობო სექტორზე რამე სახის ზეწოლის დაუშვებლობას.

„ბოლო პერიოდში ხელისუფლების მაღალი თანამდებობის პირების მხრიდან გაკეთდა არაერთი განცხადება, რომელიც მიზნად ისახავდა საქართველოს დემოკრატიული განვითარებისთვის უმნიშვნელოვანესი საკითხების, კორუფციის პრევენციის, ადამიანის უფლებების დაცვის, სახელმწიფო ინსტიტუტების საქმიანობისა და არჩევნების მონიტორინგის მიმართულებით მომუშავე არასამთავრობო ორგანიზაციებისა და მათი ხელმძღვანელი პირების დისკრედიტაციას.

საქართველოს სახალხო დამცველს სურს, შეახსენოს ხელისუფლებას ის საერთაშორისო ვალდებულებები, რასაც გაერო, ეუთო, ევროპის საბჭო და სხვა საერთაშორისო ორგანიზაციები სახელმწიფოებს უწესებენ ადამიანის უფლებების დამცველების საქმიანობის ხელშესაწყობად.

გაეროს 1998 წლის დეკლარაცია ადამიანის უფლებათა დამცველების თაობაზე აღიარებს ორგანიზაციებისა და ინდივიდების უფლებას, სახელმწიფო უწყებების წინაშე მწვავედ და კრიტიკულად დააყენონ საკითხები, რაც ხელს უშლის ადამიანის უფლებების რეალიზაციას და გააპროტესტონ ამ თვალსაზრისით სახელმწიფოს პოლიტიკა. სახელმწიფოს კი უწესებს ვალდებულებას, დაიცვან ინდივიდები ნებისმიერი ზეწოლის, მტრული განწყობებისა და დისკრიმინაციისგან მათი დეკლარაციით აღიარებული საქმიანობის გამო.

უფლებადამცველების შესახებ სახელმძღვანელო პრინციპებით, ეუთო ხაზგასმით მიუთითებს სახელმწიფო ინსტიტუტებსა და თანამდებობის პირებს, თავი შეიკავონ ისეთი მოქმედებებისაგან, რომელიც ადამიანის უფლებათა დამცველებზე პიროვნული თავდასხმების, ცილისმწამებლური, შეურაცხმყოფელი კამპანიების და მათი საქმიანობის დისკრედიტაციისაკენ არის მიმართული. ეუთო მოუწოდებს სახელმწიფო ინსტიტუტების წარმომადგენლებს, არა თუ თავად მოახდინონ რაიმე სახის ზეწოლა ადამიანის უფლებათა დამცველებზე, არამედ გადადგან პროაქტიული ნაბიჯები უფლებადამცველების სტიგმატიზების წინააღმდეგ; აღიარონ ასეთი ორგანიზაციების და პირების მნიშვნელობა დემოკრატიული სახელმწიფოსთვის და შესაბამისად, გააძლიერონ მათი ლეგიტიმაცია.

ზემოაღნიშნული ვალდებულებების მიუხედავად, ხელისუფლების წარმომადგენლები საქართველოში არასამთავრობო ორგანიზაციების საქმიანობას ადარებდნენ ფაშისტურ ორგანიზაციებს; მიმდინარეობდა აქტიური და ორგანიზებული კამპანია სოციალურ მედიაში და საჯაროდ მითითება, თითქოსდა მათ დანაშაულებრივ ფაქტებთან კავშირებზე. საქართველოს სახალხო დამცველი მიიჩნევს, რომ ამგვარი დამოკიდებულება დაუშვებელია და საფრთხეს უქმნის საქართველოში დემოკრატიული განვითარების პროცესს.

საქართველოს სახალხო დამცველი მხარდაჭერას უცხადებს ყველა იმ ორგანიზაციასა და მათ წარმომადგენელს, რომლებიც მრავალი წელია, საქართველოში მუხლჩაუხრელად მუშაობენ ადამიანის უფლებების დაცვის მაღალი სტანდარტის დასამკვიდრებლად და მოუწოდებს ხელისუფლებას, იხელმძღვანელოს საერთაშორისოდ აღიარებული დემოკრატიული სტანდარტებით.

აღსანიშნავია, რომ სახალხო დამცველი 23-25 ოქტომბერს საბერძნეთის დედაქალაქ ათენში მონაწილეობას იღებს საერთაშორისო კონფერენციაში, რომლის თემატიკაც პირდაპირ ეხმიანება არასამთავრობო სექტორსა და ხელისუფლებას შორის ურთიერთობებს. სახალხო დამცველის კონფერენციაზე სიტყვით გამოსვლაში ყურადღებას საქართველოში არასამთავრობო სექტორის საქმიანობის გამოწვევებზე გაამახვილებს და კოლეგებთან ერთად განიხილავს ომბუდსმენის ინსტიტუტების როლს მათი მხარდაჭერის და გაძლიერების თვალსაზრისით“, - წერია სახალხო დამცველის განცხადებაში.

არჩევნების შედეგებით, ქართველი ამომრჩეველი ბევრს არაფერს უნდა ელოდოს - გიორგი გობრონიძე

13 აგვისტო, 2020 , 15:40

დღევანდელი პოლიტიკური პროცესი ძალიან პასიურია, შედეგად გვექნება ისევ ტრადიციული ქართული არჩევნები - ამის შესახებ "რადიო თავისუფლებისთვის" მიცემულ ინტერვიუში  ევროპის  უნივერსიტეტის პროფესორმა, სა

„ლელო“-ს მხრიდან ვაკეში მაჟორიტარობის კანდიდატის დაყენება ჩემთვის ნამდვილად მოულოდნელობა იყო - ელენე ხოშტარია

13 აგვისტო, 2020 , 12:45

„ევროპული საქართველოს“ წევრი, ვაკის მაჟორიტარი დეპუტატობის კანდიდატი ელენე ხოშტარია აცხადებს, რომ „ლელო“-ს მხრიდან ვაკეში კანდიდატურის დაყენება მისთვის მოულოდნელობა იყო. „ლელო“-ს მხრიდ

გიორგი გახარია - საარჩევნო სიაში ჩემი ნომრით არ განისაზღვრება ის ძალისხმევა, რომლითაც უახლოეს თვეებში გამარჯვებისთვის ვიბრძოლებ

12 აგვისტო, 2020 , 16:00

საარჩევნო სიის ნომრით არ განისაზღვრება ის ძალისხმევა, რომლითაც უახლოეს თვეებში ვიბრძოლებ, – ამის შესახებ საქართველოს პრემიერ-მინისტრმა, გიორგი გახარიამ საარჩევნო სიასთან დაკავშირებით ჟურნალისტებს განუცხადა. მისი თქ

„ნაციონალური მოძრაობა“ მაჟორიტარული სიის წარდგენას ათი დღის განმავლობაში გეგმავს

12 აგვისტო, 2020 , 15:40

„ნაციონალური მოძრაობა“ მაჟორიტარული სიის წარდგენას ათი დღის განმავლობაში გეგმავს. როგორც საქართველოს პირველ არხს ფრაქცია „ნაციონალური მოძრაობის“ თავმჯდომარემ, რომან გოცირიძემ განუცხადა, ამჟამად, მ

“ლელოს“ გუნდს ბიზნესმენი თამაზ გაიაშვილი შეუერთდა

12 აგვისტო, 2020 , 15:10

"ლელოს" გუნდს ახალი წევრი ჰყავს. პოლიტიკურ გაერთიანებას „აირზენა - ჯორჯიან ეარვეისის“ დამფუძნებელი - თამაზ გაიაშვილი შეუერთდა, რომელიც დღეს ბრიფინგზე „ლელოს“ თავმჯდომარემ, მამუკა ხაზარაძემ წარადგი

“ლელოს“ გუნდს დეპუტატი ლევან კობერიძე შეუერთდა

11 აგვისტო, 2020 , 15:10

“ლელო“ გუნდს ახალი წევრი ჰყავს. პოლიტიკურ გაერთიანებას დამოუკიდებელი დეპუტატი - ლევან კობერიძე შეუერთდა, რომელიც დღეს ბრიფინგზე „ლელოს“ თავმჯდომარემ, მამუკა ხაზარაძემ წარადგინა. მამუკა ხაზარაძის თ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე