სამართალი
სახელმწიფომ ყველაფერი უნდა გააკეთოს, რომ გიორგი ცერცვაძის ექსტრადაცია მტრულ სახელმწიფოში არ მოხდეს- უჩა ნანუაშვილი
სახალხო დამცველის უჩა ნანუაშვილის განცხადებით, საქართველოს მთავრობამ ყველაფერი უნდა გააკეთოს, რათა ვიცე-პოლკოვნიკ გიორგი ცერცვაძეს გადაცემა მტრულ სახელმწიფოსთვის არ მოხდეს.
ამასთან, ნანუაშვილმა აღნიშნა, რომ ომბუდსმენის აპარატს საქმესთან დაკავშირებით აქვს მხოლოდ ის ინფორმაცია, რაც მედიით ვრცელდება, შესაბამისად, სახალხო დამცველის ოფისის ამ ინფორმაციას სწავლობს.
„ქართულმა სახელმწიფომ მაქსიმალურად უნდა დაიცვას საკუთარი მოქალაქე ნებისმიერი მეთოდების გამოყენებით. ყველა ნაბიჯი უნდა იყოს გადადგმული იმისთვის, რომ თუკი რაიმე კითხვის ნიშნები არსებობს, ქართულმა სასამართლომ მოახდინოს რეაგირება. სახალხო დამცველს აქვს ძირითადად ის ინფორმაცია, რაც მედიით არის გახმაურებული. აქედან გამომდინარე, ჩვენ დაინტერესებული ვართ და ვსწავლობთ, რამდენად შეესაბამება გავრცელებული ინფორმაცია რეალობას. აქ არის ყველაზე მნიშვნელოვანი მომენტი ის, რომ სახელმწიფომ დაიცვას ამ ადამიანის უფლებები და მაქსიმალურად ყველაფერი გააკეთოს, რომ ავირიდოთ მისი ექსტრადიცია მტრულ სახელმწიფოში“,- აღნიშნა უჩა ნანუაშვილმა.
მონიკა დავლიანიძე