საზოგადოება

საკმაოდ ბევრი შენობა-ნაგებობა და ძეგლი გვაქვს ავარიულ, მძიმე მდგომარეობაში - კახა კალაძე

ჩვენ საკმაოდ ბევრი შენობა-ნაგებობა და ძეგლი გვაქვს ავარიულ, მძიმე მდგომარეობაში, – განუცხადა ჟურნალისტებს დედაქალაქის მერმა, კახა კალაძემ.

როგორც კახა კალაძემ აღნიშნა, ავარიული შენობების რეაბილიტაციაზე მომდევნო წლების განმავლობაშიც გაგრძელდება მუშაობა.

„ჩვენ საკმაოდ ბევრი შენობა-ნაგებობა და ძეგლი გვაქვს ავარიულ, მძიმე მდგომარეობაში. შემთხვევით არ არის, რომ ჩემი საარჩევნო კამპანიის ერთ-ერთი პრიორიტეტი იყო ძველი თბილისის უბნების რეაბილიტაცია და ამის ნათელი მაგალითია გუდიაშვილის მოედნის, ორბელიანის რეაბილიტაცია, თუმცა იმ პრობლემასთან შედარებით, ეს არის ზღვაში წვეთი. ჩვენ მომდევნო წლების განმავლობაში არ გავჩერდებით და გავაგრძელებთ მუშაობას, რომ განვახორციელოთ რაც შეიძლება მეტი ქუჩისა და უბნის რეაბილიტაცია, რადგან ეს არის ის სიმდიდრე, რაც ქალაქს აქვს. მას სჭირდება მოვლა-პატრონობა და რეაბილიტაცია. ყველაზე მთავარი და მნიშვნელოვანია, რომ ადამიანები, რომლებიც ამ კონკრეტულ ფართებში ცხოვრობენ, რეაბილიტაციის შემდეგ მოუარონ და არ მივიღოთ ის შედეგი, რაც მაგალითად აღმაშენებელზე მოხდა”, – განაცხადა კახა კალაძემ.