პოლიტიკა

საკონსტიტუციო კომისია სახალხო დამცველის ერთი ვადით არჩევის ინიციატივას განიხილავს

სახალხო დამცველი, უჩა ნანუაშვილი არ იზიარებს იურისტების ნაწილის ინიციატივას, რომელიც სახალხო დამცველის არჩევის წესს შეეხება და ომბუდსმენის მხოლოდ ერთი ვადით არჩევას ითვალისწინებს.

უჩა ნანუაშვილისთვის გაუგებარია ინიციატივა, რომლის ერთ-ერთი ინიციატორიც კონსტიტუციონალისტი ვახუშტი მენამბდეა და რომელსაც საკონსტიტუციო კომისიის დღევანდელ სხდომაზე განიხილავენ.

,,გაუგებარია, რატომ მხოლოდ და მხოლოდ სახალხო დამცველზე უნდა იყოს შეზღუდვა მეორე ვადით არჩევასთან დაკავშირებით, რაც თუნდაც კონკრეტულად ამ ინიციატივას ახლავს.

რაც შეეხება არჩევის წესში ცვლილებებს, ეს კონკრეტული ჯგუფის მიერ არის დაყენებული და შესაბამისად, ამის განხილვა მოხდება, თუმცა მე ვფიქრობ, მთელი რიგი სისუსტეები ახლავს ამ წესს. ცოტა არარეალისტური შეიძლება იყოს ამ წესის მიღებით სახალხო დამცველის არჩევა, თუმცა რა თქმა უნდა, ეს საკითხი განსახილველია’’, - განუცხადა ჟურნალისტებს უჩა ნანუაშვილმა.

ნინო ექვთიმიშვილი