უახლესი ამბები
არქივი
პოლიტიკა
საკონსტიტუციო რეფორმასთან დაკავშირებით რაღაც დონის კომპრომისი იქნება ჩვენი მხრიდან - გიორგი კვირიკაშვილი
საქართველოს პრემიერ-მინისტრის განცხადებით, საკონსტიტუციო რეფორმასთან დაკავშირებით ხელისუფლების მხრიდან გარკვეული კომპრომისი იქნება.
გიორგი კვირიკაშვილმა ოპოზიციურ პარტიებთან შესაბამის დიალოგში შესვლისთვის მზაობა გამოთქვა.
“კონსტიტუციის ცვლილებებზე მუშაობის პროცესში შექმნილი იყო საკონსტიტუციო კომისია, რომელშიც ყველას ჰქონდა საშუალება, ჩართულიყო, მათ შორის - პრეზიდენტს და მის ადმინისტრაციას. დღეს საკითხი ორი მოსმენით დასრულებულია. ჩვენ მზად ვართ, კიდევ გადავდგათ ნაბიჯები იმისთვის, რომ ვიპოვოთ საკითხები, რომელიც გარკვეულწილად შეარბილებს ამ ფონს და რაღაც დონის კომპრომისი იქნება ჩვენი მხრიდან. ამისთვის, ჩვენ მზად ვართ, ჩავერთოთ ოპოზიციურ პარტიებთან მოლაპარაკებებში. ხაზს ვუსვამ, ოპოზიციური პარტიების ნებისმიერ წარმომადგენელს აქვს საშუალება, ამ დიალოგში ჩაერთოს“, - განაცხადა საქართველოს პრემიერ-მინისტრმა.
მონიკა დავლიანიძე