პოლიტიკა

საკრებულოს ოპოზიციამ თბილისის 2016 წლის ბიუჯეტში ცვლილებების პროექტს მხარი არ დაუჭირა

თბილისის საკრებულოს ოპოზიციამ 2016 წლის ბიუჯეტში დაგეგმილი ცვლილებების პროექტს, რომელიც 14 მილიონი ლარის ახლებურად გადანაწილებას ითვალიწსინებდა, მხარი არ დაუჭირა.

თბილისის საკრებულოს სხდომაზე აღნიშნულ საკითხს 28 დეპუტატმა დაუჭირა მხარი, 13 კი წინააღმდეგი იყო.

სხდომა კამათის ფონზე წარიმართა - ოპოზიცია ,,ქართულ ოცნებას“ წინასაარჩევნოდ თანხების არამიზნობრივ ხარჯვაში ადანაშუალებდა, ოპოზიციის თქმით, საკრებულომ სოციალური პროექტებისთვის განკუთვნილი თანხები ამოწურა, რასაც ,,ქართული ოცნება“ კატეგორიულად უარყოფდა.

საკრებულოს უმრავლესობის თქმით, 14 მილიონი ლარიდან რვა მილიონნახევარი თბილსის ბაგა-ბაღებისთვისაა განკუთვნილი, ხუთ მილიონნახევარი კი სოციალური პროექტებისთვის.

მარი ნამგალაძე