პოლიტიკა

სალომე სამადაშვილმა პარლამენტში გიორგი გახარიას დაბარება მოითხოვა

„ერთიანი ნაციონალური მოძრაობის“ წევრმა სალომე სამადაშვილმა შინაგან საქმეთა მინისტრის, გიორგი გახარიას პარლამენტში დაბარება მოითხოვა. ამის შესახებ დეპუტატმა ჟურნალისტებს განუცხადა თავდაცვისა და უშიშროების კომიტეტის სხდომაზე, დაზვერვის სამსახურის უფროსის, დავით სუჯაშვილის მოსმენის შემდეგ.

სამადაშვილის განცხადებით, გახარიამ ანგარიში უნდა ჩააბაროს, თუ რა ხორციელდება ქვეყნის წინაშე მდგარ გამოწვევებთან საბრძოლველად.

„ვერ ვისაუბრებ შეხვედრის დეტალებზე, რადგან ის დახურული იყო. შეხვედრა იყო სასარგებლო, იმის მოსასმენად, თუ როგორ აფასებს დაზვერვის სამსახური საფრთხის წინაშე მდგარ ამოცანებს. აუცილებელია, რომ უახლოეს დღეებში საქართველოს პარლამენტში მოვიდნენ ის პირები, რომლებიც პასუხისმგებლები არიან ამ საფრთხეების განეიტრალებაზე. თუ ჩვენ ვაპირებთ, რომ რეალურად ვიმსჯელოთ ქვეყნის წინაშე მდგარ საფრთხეებზე, გამოწვევების შესახებ, პარლამენტში უნდა მობრძანდეს შინაგან საქმეთა მინისტრი ბატონი გახარია. მინდა, გავაჟღერო ჩემი მოწოდება, რომ პარლამენტმა მოიწვიოს ის უახლოეს დღეებში ამომწურავი ანგარიშის ჩასაბარებლად, რას აკეთებს მისი უწყება, რომ დაუპირისპირდეს უმძიმეს გამოწვევებს, რომელიც დღეს ამ ქვეყნის წინაშე დგას.

ამ შეხვედრაზე ვერ მოვისმინე მთავარი რამ, რაც მაინტერესებდა - რამდენად უმკლავდება საქართველოს სახელმწიფო იმ გამოწვევებს, რომელიც დღეს არსებობს. ეს რომ გავიგოთ, პარლამენტში უნდა მოვისმინოთ სხვა უწყებების ხელმძღვანელების პოზიცია, მათ შორის, უპირველეს ყოვლისა, შინაგან საქმეთა მინისტრის, სუს-ის ხელმძღვანელისა და სხვა უწყებების. მთელი რიგი შეკითხვებია დაგროვებული. მიუხედავად იმისა, როგორ აფასებს დღეს წარმოდგენილი უწყება საფრთხეებს, დღევანდელ ხელისუფლებასა და უწყებებს არ აქვთ ან შესაძლებლობა, ან სურვილი, გაანეიტრალონ ეს საფრთხეები დროულად ჩვენი სახელმწიფოსა და მოქალაქეების ინტერესებიდან გამომდინარე", - განაცხდა სამადაშვილმა.

სუჯაშვილი კითხვებს დილიდან პასუხობდა. დეპუტატებს აინტერესებდათ, როგორ მიუშაობს საგარეო დაზვერვა ოკუპირებულ ტერიტორიებზე და როგორ დგინდება საფღტხეები.