საზოგადოება

სალომე ზურაბიშვილმა რუსთაველის თეატრი მოინახულა

მთაწმინდის ოლქის მაჟორიტარმა დეპუტატმა, სალომე ზურაბიშვილმა, რუსთაველის თეატრი მოინახულა, სადაც გაცნობითი ხასიათის შეხვედრა გამართა თეატრის დირექტორთან, გიორგი თევზაძესთან. სალომე ზურაბიშვილი გაეცნო და მოისმინა ის პრობლემები, რომლის წინაშეც დღეს თეატრი დგას, საუბრისას დეპუტატმა აღნიშნა, რომ მთაწმინდის უბანში უამრავი კულტურული დაწესებულებაა, რომლებსაც მნიშვნელოვანი როლი აკისრიათ უბნის, და არა მარტო უბნის, კულტურული ცხოვრების განვითარებაში.

„უბანში ბევრი კულტურული დაწესებულებაა, მათ შორისაა თეატრები, როგორც მაჟორიტარს და როგორც განათლების, მეცნიერების და კულტურის კომიტეტს წევრს მაინტერესებს ამ მიმართულებით, თუ რა საკითხებია აქტუალური, რა პრობლემები აწუხებთ, რა სურთ მათ რომ გავაჟღერო და რაში შემიძლია დავეხმარო, ეს ძალიან მნიშვნელოვანია, რომ მთაწმინდაზე არსებული კულტურული ორგანიზაციები მაქსიმალურად იყვნენ ჩართულები უბნის ცხორებაში“ - განაცხადა სალომე ზურაბიშვილმა.