პოლიტიკა

სანამ შემდეგ უბედურებას გადაგვკიდეს, მშვიდად გავძლოთ კიდევ 4 კვირა და მშვიდობიანად ჩავწიოთ ესენი - მიხეილ სააკაშვილი

მიხეილ სააკაშვილი მარნეულში მომხდარ ინციდენტსა და გუშინდელ პროკურატურის განცხადებას გამოეხმაურა, საქართველო-აზერბაიჯანის საზღვრების დელიტიმიტაციის შესახებ.

საქართველოს მესამე პრეზიდენტი ამბობს, რომ ის, რაც მარნეულში ხდება, მას შევრდნაძის ქმედებებს ახსენებს, ხოლო ის, რასაც საქართველოს ხელისუფლება აზერბაიჯანთან დაკავშირებით აკეთებს - შუა ომის დროს განცხადებები საზღვრებთან დაკავშირებით, სააკაშვილის თქმით, ეს დაგეგმილი პროვოკაციაა.

“ის რაც გუშინ მოხდა მარნეულში, ორი დღით ადრე ბოლნისში და გლდანში ნაციონალური მოძრაობის მაჟორიტარებისა და ჟურნალისტების წინააღმდეგ, ეს არის უტყუარი ნიშანი იმისა, რომ საქართველოში ნამდვილად მზადდება ხელისუფლების მშვიდობიანი შეცვლა არჩევნების გზით 31 ოქტმობერს, ხოლო ხელისუფლებას არ სურს, მშვიდობიანად წასვლა, ის ცდილობს არიოს სიტუაცია ძალადობის და დაშინების გზით, ცდილობს ქართველი ხალხის გარდაუვალი ვერდიქტი გააუქმოს და არჩევნები წინასწარ ჯიბეში ჩაიდოს. ეს რა თქმა უნდა, არ გამოვა!

ზუსტად ასე ცდილობდა შევარდნაძე, სხვა ქვეყნებში სხვა ავტორიტარული გაკოტრებული ხელისუფლება და ყოველთვის ეს მთავრდებოდა ერთი და იგივე რამით - მათი გარდაუვალი მარცხით. და ეს ასეც იქნება საქართველოშიც!

ისინი მიმართავენ ძალადობას და ტყუილებს.

ის რაც გუშინ იკადრეს, აზერბაიჯანთან - ჩვენ ურთიერთობებზე, ის რაც იკადრეს ჩვენი უმნიშვნელოვანესი ძეგლის, ჩვენი უწმინდესი ადგილის - გარეჯის ძეგლის მიმართ ეს არის დიდი ხნის წინ დაგეგმილი პროვოკაცია. ამაზე საუბრობდნენ ჟურნალისტებიც, და მე გეტყვით რას აპირებენ ისინი: - ალაპარაკონ ყოფილი საგარეო საქმეთა მნისტრის მოადგილე მანჯგალაძე, რომელიც იტყვის, რომ მან დავალებები მიიღო ჩემგან თუ სხვისგან ამ ტერიტორიების გასხვისების.

შემდეგ ისნი აპირებენ, გამოიყვანონ მოსკოვში მცხოვრები ეთნიკური წარმომავლობით აზერბაიჯანელი მოსახლეობა, რომელიც იტყვის რომ ფული გდაიხადეს 70 თუ 80 მილიონი, რაც დაიბადება FSB-ს პროპაგანდისტების თუ ივანიშვილის თავში, ამ მიწების გასხვიხებისთვის - და მერე ამაზე ააგებენ მთელ ამბავს, რომ ჩვენ გავყიდეთ ქართული მიწა.

სიმართლე არის სრულიად საწინააღმდეგო.ჩემი მმართველობის დროს, ყველა შეხვედრაზე ჩვენ ვაყენებდით საკითხს, რომ საბოლოოდ მომხდარიყო საზღვრის დელიმიტაცია და გარეჯი ყოფილიყო ბოლომდე დაკანონებული, როგორც საქართველოს სუვერენული ტერიტორია.

ჩვენ აზერბაიჯანთან სერიოზული პროგრესი გვქონდა ამ მიმართულებით.

მთვარი კი - ფაქტი ფაქტად რჩება, რომ ჩვენ დროს ვერავინ გაბედავდა ქართველი არ შეეშვათ გარეჯში და ახლა ივანიშვილის დროს, ქართველ მომლოცველებს, საქართველოს მოქალაქეებს ჩაუკეტეს საქართველოს უმნიშვნელოვანეს ძეგლში შესვლა, საკუთარ სიწმინდეებთნ შეხების საშუალება ჩაუკეტეს, საკუთარ ისტორიასთან, საკუთარ კულტურასთან და ეს მოხდა ამათ დროს.

ამავე დროს ჩვენი ურთიერთობები ყველა მეზობელთან ჩამოვიდა ისტორიულ მინიმუმზე - ეს ძალიან საშიშია. ის რომ ეს პროვოკაცია ხდება ომის ფონზე - აზერბაიჯანსა და სომხეთს შორის, სადაც აქტიურად მონაწილეობს მოსკოვი - ესეც ხომ არ არის შემთხვევითი.
სანამ შემდეგ უბედურებას გადაგვკიდეს, მშვიდად გავძლოთ კიდევ 4 კვირა და მშვიდობიანად ჩავწიოთ ესენი და სწრაფად დავალაგოთ ურთიერთობები გამომდინარე ჩვენი ეროვნული ინტერესებიდან,“ - აცხადებს სააკაშვილი.

სააკაშვილის ამბობს, რომ მისი მმართველობის პირობებში ზემოდან ყურებას და დამცირებას ქართველებზე ვერავინ შეძლებს, რადგან მისივე თქმით, საქართველო "პატარა სოფელი" არ არის და აქ "არც ბნელა".